ന്യൂഡല്‍ഹി: എതിര്‍പക്ഷത്തുള്ള മുതിര്‍ന്ന നേതാക്കളെ ട്രോളിക്കൊണ്ടുള്ള പോസ്റ്ററുകള്‍ ഇറക്കി ബിജെപിയും കോണ്‍ഗ്രസും പോര് തുടരുന്നു. കോണ്‍ഗ്രസ് നേതാവ് രാഹുല്‍ ഗാന്ധിയെ രാമായണത്തിലെ രാവണനായി ചിത്രീകരിച്ച് ബിജെപി സമൂഹമാധ്യത്തില്‍ പോസ്റ്റ് ചെയ്തതിരുന്നു.
സിനിമാ പോസ്റ്റര്‍ രൂപത്തിലാണ് രാഹുലിന്റെ ചിത്രം പോസ്റ്റ് ചെയ്തത്. അമേരിക്കന്‍ കോടീശ്വരന്‍ സോറസ് സംവിധാനം ചെയ്യുന്ന കോണ്‍ഗ്രസ് നിര്‍മ്മിക്കുന്ന സിനിമ എന്ന നിലയിലാണ് അവതരണം‘പുതുയുഗ രാവൺ എത്തി. ദുഷ്ടശക്തി, മതവിരുദ്ധൻ, രാമവിരുദ്ധൻ’ എന്നും പോസ്റ്ററിനൊപ്പം കുറിച്ചിരുന്നു.
പ്രധാനമന്ത്രി നരേന്ദ്ര മോദിയെ നുണയനെന്നും ജുംല (വ്യാജവാഗ്ദാനം) ബോയ് എന്നും വിശേഷിപ്പിച്ച് പോസ്റ്റ് ചെയ്തതിനു മറുപടിയായിരുന്നു ഇത്
മറുപടിയായി വ്യവസായി ഗൗതം അദാനിയുടെ കയ്യിലെ പാവയായി പ്രധാനമന്ത്രി നരേന്ദ്ര മോദിയെ അവതരിപ്പിച്ച് കോണ്‍ഗ്രസ് പോസ്റ്റര്‍ പങ്കുവച്ചു. എഐസിസിയുടെ ഔദ്യോഗിക എക്‌സില്‍ ആണിത് പോസ്റ്റ് ചെയ്തത്.
കേരള കോണ്‍ഗ്രസ് ഘടകം എക്‌സ് (ട്വിറ്റര്‍) പ്ലാറ്റ്‌ഫോമില്‍ മോദിയെ ആക്ഷേപിച്ച് ഇട്ട പോസ്റ്റര്‍ വിവാദമായിരിക്കുകയാണ്. തുഗ്ലക് രാജവംശത്തിലെ രണ്ടാമത്തെ സുല്‍ത്താനായ മുഹമ്മദ് ബിന്‍ തുഗ്ലക്കുമായി നരേന്ദ്ര മോദിയെ താരതമ്യം ചെയ്യുന്നതാണിത്.
”പ്രിയപ്പെട്ട പ്രധാനമന്ത്രിജി, നിങ്ങള്‍ക്കു പാഠപുസ്തകങ്ങള്‍ അപ്‌ഡേറ്റ് ചെയ്യാന്‍ താല്‍പര്യമുണ്ടെങ്കില്‍ തുഗ്ലക് യുഗം മാറ്റിസ്ഥാപിക്കൂ” എന്നും പോസ്റ്റിനൊപ്പം കുറിച്ചിരുന്നു.
ബ്‌ജെപി നേതാവ് മുഖ്താര്‍ അബ്ബാസ് നഖ്‌വി പറഞ്ഞത്, ‘കോണ്‍ഗ്രസിനെ അംഗീകരിക്കാതിരിക്കാനും നിരോധനം ഏര്‍പ്പെടുത്താനും യോഗ്യമായ കേസ്’ എന്നാണ്
