കറുകച്ചാല്‍: യുവാക്കളെ ആക്രമിച്ചു കൊലപ്പെടുത്താന്‍ ശ്രമിച്ച കേസില്‍ മൂന്ന് പേരെക്കൂടി പോലീസ് അറസ്റ്റ് ചെയ്തു. മാടപ്പള്ളി പങ്കിപ്പുറം ഭാഗത്ത് കൊച്ചുപറമ്പില്‍ വീട്ടില്‍ ജിതിന്‍ ജെയിംസ് (27), പെരുന്ന, പട്ടത്തിമുക്ക് ഒളശപുരയിടത്ത് വീട്ടില്‍ നിബിന്‍(35), ചെത്തിപ്പുഴ, ചീരഞ്ചീര പുത്തന്‍പറമ്പില്‍ വീട്ടില്‍ ജോഷിമോന്‍ റെജി(27) എന്നിവരെയാണ് കറുകച്ചാല്‍ പോലീസ് അറസ്റ്റ് ചെയ്തത്.
ജിതിന്‍ ജെയിംസും സുഹൃത്തുക്കളും ചേര്‍ന്ന് ഓഗസ്റ്റ് 29ന് രാത്രി 7:30ന് കറുകച്ചാല്‍ പച്ചിലമാക്കല്‍ ഭാഗത്ത് വഴിയില്‍ നില്‍ക്കുകയായിരുന്ന യുവാക്കളെ ആക്രമിച്ചു കൊലപ്പെടുത്താന്‍ ശ്രമിക്കുകയായിരുന്നു.
അന്വേഷണസംഘം ജിബിന്‍ ജോസഫ്, അഖില്‍ ലാലിച്ചന്‍, സബ്ജിത്ത് ബാബുരാജ്, ബിബിന്‍ ആന്റണി, വിഷ്ണു ഹരികുമാര്‍ എന്നിവരെ കഴിഞ്ഞ ദിവസം പിടികൂടിയിരുന്നു. തുടര്‍ന്ന് നടത്തിയ അന്വേഷണത്തിലാണ് ഒളിവില്‍ കഴിയുകയായിരുന്ന ജിതിന്‍ ജെയിംസിനെ കട്ടപ്പനയില്‍ നിന്നും അന്വേഷണ സംഘം പിടികൂടുന്നത്. ഇയാള്‍ക്ക് കറുകച്ചാല്‍ സ്റ്റേഷനിലും, തൃക്കൊടിത്താനം സ്റ്റേഷനിലും നിരവധി കേസുകള്‍ നിലവിലുണ്ട്. ഇയാളെ രക്ഷപെടുത്തുന്നതിനും ഒളിവില്‍ കഴിയാന്‍ സഹായിച്ചതിനുമാണ് നിബിനെയും ജോഷിമോന്‍ ജെയിംസിനെയും പോലീസ് അറസ്റ്റ് ചെയ്തത്.
ജന്മഭൂമി ഓണ്‍ലൈന്‍