തൃശൂര്: കുട്ടനെല്ലൂര് സര്ക്കാര് കോളേജില് മെഗാ തിരുവാതിര നൃത്തം സംഘടിപ്പിച്ച കുടുംബശ്രീ ലോക റെക്കോഡ് ലക്ഷ്യമിടുന്നു.ഗിന്നസ് ബുക്ക് ഓഫ് വേള്ഡ് റെക്കോര്ഡിലേക്ക് എന്ട്രി സമര്പ്പിക്കുന്നതിനെക്കുറിച്ച് ആലോചിക്കുകയാണെന്ന് സംഘാടകര് അറിയിച്ചു.
കുടുംബശ്രീയിലെ 7,027 അംഗങ്ങളാണ് കോളേജ് ഗ്രൗണ്ടില് ഒത്തുകൂടി തിരുവാതിര അവതരിപ്പിച്ചത്.പങ്കെടുത്തവരുടെ എണ്ണം കൊണ്ട് ലിംക ബുക്ക് ഓഫ് റെക്കോര്ഡ്സിലും ടാലന്റ് റെക്കോര്ഡ് ബുക്കിലും മെഗാ തിരുവാതിരകളി ഇടം നേടിയിരുന്നു.
പത്ത് മിനിറ്റ് നീണ്ടുനിന്ന മെഗാ തിരുവാതിര അവതരണം നിറഞ്ഞ സദസിന്റെ മനം കവരുകയുണ്ടായി.ടൂറിസം വകുപ്പും ജില്ലാ ഭരണകൂടവും നഗരസഭയും സംയുക്തമായാണ് ജില്ലയിലെ ഓണാഘോഷം സംഘടിപ്പിച്ചത്.
