തൃശൂര്: വരന്തരപ്പിള്ളി ഗ്രാമപഞ്ചായത്തില് വാട്ടര് എടിഎം പ്രവര്ത്തനമാരംഭിച്ചു. വരന്തരപ്പിള്ളി സെന്റര് – റിംഗ് റോഡിലെ വാട്ടര് എടിഎം. ഉദ്ഘാടനം ഗ്രാമപഞ്ചായത്ത് പ്രസിഡന്റ് അജിത സുധാകരന് നിര്വഹിച്ചു.
വിനോദസഞ്ചാരികള് അടക്കമുള്ള പൊതുജനങ്ങള്ക്ക് ഉപകാരപ്രദമാകുംവിധമാണ് എടിഎം സജ്ജീകരിച്ചിരിക്കുന്നത്. ശുദ്ധജല ലഭ്യത ഉറപ്പ് വരുത്തുന്നതോടൊപ്പം പ്ലാസ്റ്റിക് കുപ്പികളുടെ ഉപയോഗം, വലിച്ചെറിയല് എന്നിവക്ക് തടയിടാനും ലക്ഷ്യമിട്ടാണ് പദ്ധതി വിഭാവനം ചെയ്തിരിക്കുന്നത്. 24 മണിക്കൂറും വാട്ടര് എടിഎം പ്രവര്ത്തിക്കും. ഫില്റ്ററിങ് നടത്തി ശുദ്ധീകരിച്ച ജലമാണ് എടിഎമ്മിലൂടെ ലഭിക്കുക. വരന്തരപ്പിള്ളി സെന്ററിലെ നിലവിലുള്ള കുഴല് കിണറില് നിന്നുമാണ് എടിഎമ്മിലേക്ക് ജലം എത്തിക്കുന്നത്. ഒരു രൂപക്ക് ഒരു ലിറ്റര് തണുത്ത വെള്ളവും 5 രൂപക്ക് 5 ലിറ്റര് സാധാരണ വെള്ളവും ലഭിക്കും. ഗ്രാമപഞ്ചായത്ത് വൈസ് പ്രസിഡന്റ് ടി. ജി അശോകന് അധ്യക്ഷത വഹിച്ചു.
