ന്യൂദല്ഹി: മണിപ്പുര് വിഷയത്തില് നടക്കുന്ന അടിയന്തര പ്രമേയ ചര്ച്ചയില് പ്രസംഗത്തിന് ശേഷം സഭ വിട്ടിറങ്ങവേ കോണ്ഗ്രസ് നേതാവ് രാഹുല് ഗാന്ധി ഫ്ളൈയിങ് കിസ് നല്കിയതായി പരാതി. രാഹുലിന് ശേഷം പ്രസംഗിച്ച സ്മൃതി ഇറാനിയാണ് സഭയില് ആരോപണം ഉന്നയിച്ചത്.
സ്മൃതിയും ബിജെപി വനിതാ എംപിമാരും ലോക്സഭാ സ്പീക്കര് ഓം ബിര്ളയ്ക്ക് പരാതി നല്കി. രാഹുലിന്റെ പ്രവൃത്തിയുടെ വീഡിയോ ദൃശ്യങ്ങള് പരിശോധിക്കണമെന്നും സ്മൃതി പറഞ്ഞു.
സ്ത്രീ വിരുദ്ധനായ ഒരാള്ക്ക് മാത്രമേ പാര്ലമെന്റില് സ്ത്രീകളുടെ സീറ്റുകളിലേക്ക് നോക്കി ഫ്ളൈയിങ് കിസ് നടത്താന് സാധിക്കുകയുള്ളൂവെന്ന് സ്മൃതി പറഞ്ഞു. ‘എനിക്ക് മുമ്പായി സംസാരിക്കാന് അവസരം ലഭിച്ചയാള് പോകുന്നതിന് മുമ്പ് ഒരു അസഭ്യം പ്രകടിപ്പിച്ചു. പാര്ലമെന്റിലെ വനിതാ അംഗങ്ങള് ഇരിക്കുന്നതിന് നേരെ ഒരു ഫ്ളൈയിങ് കിസ് നല്കാന് സ്ത്രീവിരുദ്ധനായ പുരുഷന് മാത്രമേ കഴിയൂ. ഇത്രയും മാന്യതയില്ലാത്ത പെരുമാറ്റം രാജ്യത്തെ പാര്ലമെന്റില് മുമ്പൊരിക്കലും കണ്ടിട്ടില്ലെന്നും സ്മൃതി പറഞ്ഞു.
