തിരുവനന്തപുരം: രാജ്യത്തെ ഇതര സംസ്ഥാനങ്ങളുമായി താരതമ്യം ചെയ്യുമ്പോൾ സംസ്ഥാനത്ത് വിലക്കയറ്റം കുറവെന്ന് ഭക്ഷ്യ മന്ത്രി ജി.ആർ അനിൽ. രാജ്യമെങ്ങുമുള്ള വിലക്കയറ്റത്തിന്റെ പ്രതിഫലനം സ്വാഭാവികമായും കൺസ്യൂമർ സംസ്ഥാനമായ കേരളത്തേയും ബാധിച്ചിട്ടുണ്ട്. എന്നാൽ മികച്ച രീതിയിൽ വിപണി ഇടപെടൽ നടക്കുന്നുണ്ട്. ഇന്ത്യയിൽ മറ്റൊരിടത്തും ഇതുപോലെ വിപണി ഇടപെടൽ നടക്കുന്നില്ലെന്നും മന്ത്രി പറഞ്ഞു.
പൊതുവിതരണ രംഗത്ത് കേരളത്തിന് പുറത്ത് മെച്ചപ്പെട്ട ഒരു മാതൃക ചൂണ്ടിക്കാണിക്കാന് പ്രതിപക്ഷത്തിന് സാധിക്കുമോയെന്നും മന്ത്രി ചോദിച്ചു. വിലക്കയറ്റം സംബന്ധിച്ച് പ്രതിപക്ഷം കൊണ്ടുവന്ന പ്രമേയത്തിന് മറുപടി നല്കുകയായിരുന്നു മന്ത്രി. 2016 മുതല് കോടികളാണ് പൊതുവിപണി രംഗത്ത് സര്ക്കാര് ചെലവഴിച്ചത്. 12000 കോടിയോളം രൂപ ഇക്കാലയളവില് പൊതുവിപണിയിലെ ഇടപെടലിനും സബ്സിഡിക്കുമായി ചെലവഴിച്ചിട്ടുണ്ട്.
സപ്ലൈകോ ഔട്ട്ലെറ്റ് വഴി വിപണി വിലയേക്കാൾ കുറഞ്ഞ വിലയിൽ 13 സാധനങ്ങൾ നൽകുന്നുണ്ട്. ടെണ്ടർ നടപടികളിൽ എല്ലാവരും സഹകരിച്ചിട്ടുണ്ട്. ഓണക്കാലത്ത് എല്ലാ സാധനങ്ങളും മൂന്നിരട്ടി വിപണിയിലെത്തിക്കുമെന്നും മന്ത്രി കൂട്ടിച്ചേർത്തു. സപ്ലൈകോ ഔട്ട്ലെറ്റുകളില് ഡിമാന്ഡ് കൂടുമ്പോള് സാധനങ്ങള് തീര്ന്ന് പോകും. ജൂലായില് അത്തരത്തില് ചില പ്രയാസങ്ങളുണ്ടായി എന്നത് യാഥാര്ഥ്യമാണ്. തീര്ന്ന സാധനങ്ങള് വേഗത്തില് എത്തിക്കാനുള്ള നടപടികള് എടുത്തിട്ടുണ്ടെന്നും അദ്ദേഹം വ്യക്തമാക്കി.
