തിരുവനന്തപുരം: അഞ്ചുവയസുകാരിയെ തട്ടിക്കൊണ്ടുപോയി കൊലപ്പെടുത്തിയ സംഭവത്തില്‍ പ്രതികരണവുമായി നടന്‍ ഉണ്ണി മുകുന്ദന്‍. ഹൃദയഭേദകമായ ഈ വാര്‍ത്തയുണ്ടാക്കിയ വേദന ഒരിക്കലും വാക്കുകളില്‍ വിവരിക്കാന്‍ കഴിയില്ല. കുടുംബത്തിന് വേണ്ടി പ്രാര്‍ത്ഥിക്കുന്നു. നമ്മള്‍ അറിയാത്ത സമയത്ത്, നമ്മെ ചുറ്റിപ്പറ്റി ആരാണുള്ളതെന്ന് നമ്മള്‍ അറിയണ്ടേ സമയം അതിക്രമിച്ചിരിക്കുന്നു. നമ്മുടെ കുട്ടികളെ എങ്ങനെ സുരക്ഷിതമായി സംരക്ഷിക്കും? – ഉണ്ണി മുകുന്ദന്‍ സമൂഹമാദ്ധ്യമങ്ങളില്‍ കുറിച്ചു.
ഇന്ന് ആലുവ മാര്‍ക്കറ്റിന്റെ പിന്നില്‍ പെരിയാറിനോട് ചേര്‍ന്നുള്ള സ്ഥലത്ത് ചാക്കില്‍ക്കെട്ടിയ നിലയിലാണ് ആറു വയസുകാരി ചാന്ദ്‌നിയുടെ മൃതദേഹം കണ്ടെത്തിയത്. ബിഹാര്‍ സ്വദേശികളായ മഞ്ജയ് കുമാറിന്റെയും നീതു കുമാരിയുടെയും മകള്‍ ചാന്ദ്നിയാണ് ദാരുണമായി കൊല്ലപ്പെട്ടത്. കേരളത്തില്‍ ജോലിക്കുവന്ന ബിഹാര്‍ ദമ്പതികളുടെ മകള്‍ക്ക് അഷ്ഫാഖ് ആലം എന്ന മറ്റൊരു ബിഹാരിയുടെ നിഷ്ഠൂരതയ്‌ക്കിരയാവുകയായിരുന്നു.
