ചാലക്കുടി: പശു ഫാമിന്റെ മറവില് വാറ്റ് ചാരായ വില്പന നടത്തിയ പ്രതി പിടിയില്. പരിയാരം കമ്മളം പനഞ്ചിക്കല് ആന്റണി (48) യെയാണ് 200 ലിറ്റര് വാറ്റും 5 ലിറ്റര് ചാരായവും വാറ്റുപകരണങ്ങളുമായി പിടികൂടിയത്. കാലങ്ങളായി ചാണകം ഉണക്കി പൊടിച്ച് കൊടുക്കുകയും ഫാമും നടത്തിവരികയായിരുന്നു.
ചാണകത്തിന്റെയും മറ്റും മണം കാരണം സമീപത്തെ ആര്ക്കും പട്ടാപ്പകല് ചാരായം വാറ്റിയിട്ടും ആരും അറിഞ്ഞിരുന്നില്ല. രഹസ്യവിവരത്തെ തുടര്ന്ന് നടത്തിയ അന്വേഷണത്തിലാണ് പ്രതിയെ പിടികൂടിയത്. എസ്ഐ ഷാജു എടത്താടന്റെ നേതൃത്വത്തില് അഡീ. എസ്ഐമാരായ സി.വി. ഡേവിസ്, എസ്. റെജിമോന്, സാംസണ് വര്ഗീസ്, സീനിയര് സിപിഒ ടി.ടി. ബൈജു, ജെ.യു. സിജു, സി.പി. മാനുവല്, സിപിഒമാരായ പി.പി. ചഞ്ചല്, ബിനു, സുരേഷ്, നൂര്ജഹാന് എന്നിവരായിരുന്നു അന്വേഷണ സംഘത്തില്. പ്രതിയെ റിമാന്ഡ് ചെയ്തു.
