കാത്മണ്ഡു: നേപ്പാളില്‍, സിപിഎന്‍ (മാവോയിസ്റ്റ് സെന്റര്‍) ചെയര്‍മാനും പ്രധാനമന്ത്രിയുമായ പുഷ്പ കമല്‍ ദഹല്‍ ‘പ്രചണ്ഡ’യുടെ ഭാര്യ സീത ദഹല്‍(69) അന്തരിച്ചു. കാത്മണ്ഡുവിലെ തപതലിയിലുളള നോര്‍വിക് ഇന്റര്‍നാഷണല്‍ ആശുപത്രിയില്‍ ചികിത്സയിലായിരുന്നു.
പാര്‍ക്കിന്‍സണ്‍സ് രോഗബാധിതയായിരുന്നു.ഏറെക്കാലമായി ചികിത്സയിലായിരുന്നു. ആരോഗ്യനില മോശമായതിനെ തുടര്‍ന്നാണ് നോര്‍വിക് ആശുപത്രിയില്‍ പ്രവേശിപ്പിച്ചത്. മാവോയിസ്റ്റ് സെന്ററിന്റെ ഉപദേശകയായിരുന്നു സീത ദഹല്‍. മൃതദേഹം പാര്‍ട്ടി ഓഫീസില്‍ പൊതുദര്‍ശനത്തിന് വച്ച ശേഷം പശുപതി ആര്യഘട്ട് ശ്മശാനത്തില്‍ സംസ്‌കരിച്ചു.സീതാ ദഹലിന്റെ വിയോഗത്തില്‍ ഇന്ത്യന്‍ പ്രധാനമന്ത്രി നരേന്ദ്ര മോദി അനുശോചനം രേഖപ്പെടുത്തി.
പ്രതികരിക്കാൻ ഇവിടെ എഴുതുക: