ന്യൂഡൽഹി : ഭാരതമാണ് നമ്മുടെ പൊതു മാതൃഭൂമിയെന്ന് മദ്രസകളിലും പഠിപ്പിക്കണമെന്ന് ഓൾ ഇന്ത്യ ഇമാം ഓർഗനൈസേഷൻ’ ദേശീയ അധ്യക്ഷൻ ഇമാം ഡോ. ഉമർ അഹമ്മദ് ഇല്യാസി. ‘സിന്ധു: നാഗരിക പൈതൃകം, ദേശീയോദ്ഗ്രഥനം, ഇന്ത്യയുടെ വടക്കുപടിഞ്ഞാറൻ അതിർത്തിയുടെ തന്ത്രപരമായ പ്രാധാന്യം’ എന്ന വിഷയത്തിൽ നടത്തിയ ദേശീയ സമ്മേളനത്തിൽ സംസാരിക്കുകയായിരുന്നു ഇല്യാസി.
“സിന്ധു നമ്മുടെ പൊതു പൈതൃകമാണ് . രാഷ്ട്രീയ സ്വയംസേവക സംഘം സഹ-സർകാര്യവാഹ് ഡോ. കൃഷ്ണ ഗോപാൽ ജി പല കാര്യങ്ങളും നമ്മുടെ ശ്രദ്ധയിൽപ്പെടുത്തിയിട്ടുണ്ട് . നമുക്ക് അറിവില്ലാതിരുന്ന പല കാര്യങ്ങളും ഇതിലൂടെ മനസ്സിലാക്കാൻ സാധിച്ചു. ഭാരതം നമ്മുടെ പൊതു മാതൃഭൂമിയാണ് ഇക്കാര്യം മദ്രസകളിൽ പോലും പഠിപ്പിക്കേണ്ടതുണ്ട് “ ഇല്യാസി പറഞ്ഞു.
നേരത്തെ അയോധ്യ രാമക്ഷേത്ര പ്രാണ പ്രതിഷ്ഠയിൽ പങ്കെടുത്തതിന്റെ പേരിൽ ഇസ്ലാം പണ്ഡിതർ ഇല്യാസിയ്ക്കെതിരെ ഫത്വ ഇറക്കിയിരുന്നു.

















