തിരുവനന്തപുരം : കേന്ദ്ര ഇലക്ട്രോണിക്സ് & ഐടി ,നൈപുണ്യ വികസന, സംരംഭകത്വ വകുപ്പ് സഹമന്ത്രി രാജീവ് ചന്ദ്രശേഖര് നാളെയും മറ്റന്നാളും (ജൂലൈ 8 , 9 ) സംസ്ഥാനം സന്ദര്ശിക്കും. ജൂലായ് എട്ടിന് (ശനിയാഴ്ച്ച ) തിരുവനന്തപുരത്ത് ശിവഗിരി മഠവും കൊല്ലത്ത് മാതാ അമൃതാനന്ദമയി ആശ്രമവും അദ്ദേഹം സന്ദര്ശിക്കും.
വൈകുന്നേരം 5 മണിക്ക് കൊല്ലത്തെ ഹോട്ടല് റാവിസില് നടക്കുന്ന ഒന്നാം വാര്ഷിക മേജര് സന്ദീപ് ഉണ്ണികൃഷ്ണന് അനുസ്മരണ പ്രഭാഷണത്തെ അഭിസംബോധന ചെയ്യുന്ന അദ്ദേഹം സംരംഭകരുമായും അക്കാദമിക്, കോര്പ്പറേറ്റ് മേധാവികളുമായും കൂടിക്കാഴ്ച നടത്തും. ജൂലായ് 9-ന് രാവിലെ 10 മണിക്ക് കോട്ടയം തിരുനക്കര ഇന്ദ്രപ്രസ്ഥം ഓഡിറ്റോറിയത്തില് ബാലഗോകുലം സംസ്ഥാന സമ്മേളനത്തെ മന്ത്രി അഭിസംബോധന ചെയ്യും. രാവിലെ 11.30 മണിക്ക് മലയാള മനോരമ ആസ്ഥാനവും ജോയീസ് റെസിഡെന്സിയില് ഉച്ചയ്ക്ക് 1.45 മണിക്ക് നടക്കുന്ന യോഗത്തിലും പങ്കെടുത്ത ശേഷം കേന്ദ്രമന്ത്രി വൈകിട്ട് കൊച്ചിയില് നിന്ന് ഗോവയിലേക്ക് യാത്ര തിരിക്കും.
