ന്യൂദല്ഹി: ലുട്ടീന്സ് ദല്ഹിയിലെ ഔറംഗസേബ് ലെയ്ന് ഇനി ഡോ. എ.പി.ജെ. അബ്ദുള്കലാം ലെയ്ന്. തീരുമാനം ന്യൂദല്ഹി മുനിസിപ്പല് കൗണ്സില് ഇന്നലെ ഔദ്യോഗികമായി പ്രഖ്യാപിച്ചു. ലെയ്നിന്റെ പേരുമാറ്റുന്നതിന് കൗണ്സിലംഗങ്ങളുടെ യോഗം ഇന്നലെ അംഗീകാരം നല്കുകയായിരുന്നു.
നഗരത്തിലെ ഔറംഗസേബ് റോഡിന്റെ പേര് 2015 ആഗസ്തില്ത്തന്നെ എന്ഡിഎംസി ഡോ. എ.പി. ജെ. അബ്ദുള്കലാം എന്ന് മാറ്റിയിരുന്നു. ഇതിന് പിന്നാലെയാണ് ലെയ്നിന്റെ പേര് മാറ്റം. പൃത്ഥിരാജ് റോഡില് നിന്ന് അബ്ദുള്കലാം റോഡിലേക്ക് കടക്കുന്ന ലെയ്നാണ് ഇപ്പോള് പേരുമാറിയിരിക്കുന്നതെന്ന് കൗണ്സില് തീരുമാനം പ്രഖ്യാപിച്ച എന്ഡിഎംസി ചെയര്മാന് സതീഷ് ഉപാധ്യായ പറഞ്ഞു.
