തിരുവനന്തപുരം : കെപിസിസി പ്രസിഡന്റ് സ്ഥാനം ഇപ്പോള്‍ ഒഴിയുന്നില്ലെന്ന് കെ. സുധാകരന്‍. മോന്‍സന്‍ മാവുങ്കല്‍ കേസില്‍ പ്രതിയായി അറസ്റ്റ് ചെയ്യപ്പെട്ടതോടെ കെപിസിസി പ്രസിഡന്റ് സ്ഥാനത്തു നിന്നും മാറാന്‍ തയ്യാറാണ്. ഇതുമായി ബന്ധപ്പെട്ട് ചര്‍ച്ചകള്‍ നടന്ന് വരികയാണെന്നും അദ്ദേഹം കഴിഞ്ഞ ദിവസം പ്രതികരിച്ചിരുന്നു.
സാമ്പത്തിക തട്ടിപ്പ് കേസില്‍ അറസ്റ്റിലായതിനെ തുടര്‍ന്ന് രാജി സന്നദ്ധത അറിയിച്ചെങ്കിലും ഹൈക്കമാന്‍ഡ് നേതാക്കളുടെ നിര്‍ദ്ദേശപ്രകാരം തീരുമാനം മാറ്റുകയാണ്. കേസില്‍ പ്രതിചേര്‍ക്കപ്പെട്ടതുകൊണ്ടാണ് മാറി നില്‍ക്കാന്‍ തീരുമാനിച്ചത്. എന്നാല്‍ നേതാക്കള്‍ ഒഴിയരുതെന്ന് ആവശ്യപ്പെടുകയായിരുന്നു. അതോടെ ചാപ്റ്റര്‍ അവസാനിച്ചു.
കേസ് അന്വേഷണവുമായി പൂര്‍ണമായും സഹകരിച്ചു. ചോദ്യം ചെയ്തിനുശേഷം ആത്മ വിശ്വാസമുണ്ട്. തുടര്‍ന്നും അന്വേഷണങ്ങളോട് സഹകരിക്കുമെന്നും കെ. സുധാകരന്‍ കൂട്ടിച്ചേര്‍ത്തു.
