കോട്ടയം: കുമാരനല്ലൂരില് ബൈക്ക് അപകടത്തില് മൂന്ന് യുവാക്കള്ക്ക് ദാരുണാന്ത്യം. കൊച്ചാലുംചുവട്ടില് വൈകുന്നേരമാണ് അപകടം ഉണ്ടായത്. ഡ്യൂക്ക് ബൈക്ക് ടോറസ് ലോറിയില് ഇടിച്ചാണ് അപകടം.
സംക്രാന്തി സ്വദേശികളായ ആല്വിന്, ഫാറൂഖ് , തിരുവഞ്ചൂര് സ്വദേശി പ്രവീണ് എന്നിവരാണ് മരിച്ചത്.മൂന്ന് പേരും തല്ക്ഷണം മരിച്ചു.
ബൈക്കിന്റെ അമിത വേഗതയാണ് അപകടകാരണമെന്നാണ് ദൃക്സാക്ഷികള് പറയുന്നത്.
അമിത വേഗതയില് വന്ന ബൈക്ക് എതിര്ദിശയില് നിന്ന് വന്ന ലോറിയില് ഇടിക്കുകയായിരുന്നു. മൃതദേഹങ്ങള് കോട്ടയം മെഡിക്കല് കോളജിലേക്ക് മാറ്റി.
