പാലക്കാട്: ഓണക്കാലത്തെ തിരക്ക് കുറയ്ക്കാനായി ഹുബ്ലി – കോട്ടയം – ഹുബ്ബള്ളി റൂട്ടില് പ്രഖ്യാപിച്ച രണ്ട് സ്പെഷ്യല് ട്രെയിനുകളുടെ റിസര്വേഷന് ആരംഭിച്ചു. ഹുബ്ലി – കോട്ടയം റൂട്ടില് ആഗസ്ത് 25, 29 തീയതികളിലും കോട്ടയം – ഹുബ്ലി റൂട്ടില് ആഗസ്ത് 26, 30 തീയതികളിലുമാണ് ട്രെയിനുകള് സര്വീസ് നടത്തുക.
ഇന്ന് രാവിലെ എട്ടുമണിമുതല് ടിക്കറ്റ് റിസര്വേഷന് ആരംഭിച്ചു. ആഗ്സ് 25ന് വൈകിട്ട് 6:30ന് ഹുബ്ബള്ളിയില്നിന്ന് പുറപ്പെടുന്ന ഹുബ്ലി – കോട്ടയം എക്സ്പ്രസ് സ്പെഷ്യല് ട്രെയിന് (07351) പിറ്റേദിവസം രാവിലെ 11.35ന് പാലക്കാടും, വൈകിട്ട് 4:40ന് കോട്ടയത്തും എത്തിച്ചേരും. കേരളത്തില് പാലക്കാട്, തൃശൂര്, ആലുവ എന്നിവിടങ്ങളില് ട്രെയിനിന് സ്റ്റോപ്പ് ഉണ്ടാകും.
ആഗസ്ത് 26ന് രാത്രി 10:30ന് കോട്ടയത്തുനിന്ന് പുറപ്പെടുന്ന കോട്ടയം – ഹുബ്ലി എക്സ്പ്രസ് സ്പെഷ്യല് ട്രെയിന് (07352) പുലര്ച്ചെ മൂന്നിന് പാലക്കാടും രാത്രി എട്ടുമണിക്ക് ഹുബ്ബള്ളിയിലും എത്തിച്ചേരും. ആഗസ്ത് 29ന് ആണ് രണ്ടാമത്തെ ഹുബ്ലി – കോട്ടയം എക്സ്പ്രസ് സ്പെഷ്യല് ട്രെയിന് സര്വീസ് നടത്തുക. 29ന് വൈകുന്നേരം 3:15ന് ഹുബ്ബള്ളിയില്നിന്ന് പുറപ്പെടുന്ന ഹുബ്ലി – കോട്ടയം എക്സ്പ്രസ് സ്പെഷ്യല് ട്രെയിന് (07353) പിറ്റേദിവസം വൈകിട്ട് 4:15ന് കോട്ടയത്ത് എത്തിച്ചേരും.
കേരളത്തില് പാലക്കാട്, തൃശൂര്, ആലുവ, എറണാകുളം ടൗണ് എന്നിവിടങ്ങളില് ട്രെയിനിന് സ്റ്റോപ്പ് ഉണ്ടാകും. ആഗസ്ത് 30ന് രാത്രി 10:30ന് കോട്ടയത്തുനിന്ന് പുറപ്പെടുന്ന കോട്ടയം – ഹുബ്ലി എക്സ്പ്രസ് സ്പെഷ്യല് ട്രെയിന് (07354) പിറ്റേദിവസം രാത്രി 8:05ന് ഹുബ്ലിയില് എത്തിച്ചേരും.
