കൊച്ചി : സംസ്ഥാനത്ത് ജൂണ് ഏഴ് മുതല് സ്വകാര്യ ബസ് ഉടമകളുടെ സമരത്തിലേക്ക്. ബസ് ഉടമകളുടെ സംയുക്ത സമര സമിതിയാണ് പണിമുടക്ക് പ്രഖ്യാപിച്ചിരിക്കുന്നത്. വിദ്യാര്ത്ഥികളുടെ കണ്സഷന് ചാര്ജുമായി ബന്ധപ്പെട്ട് ജസ്റ്റിസ് രാമചന്ദ്രന് കമ്മിഷന് റിപ്പോര്ട്ട് നടപ്പാക്കുക. വിദ്യാര്ത്ഥികള്ക്കുള്ള മിനിമം ചാര്ജ് അഞ്ച് രൂപയാക്കാനും സ്വകാര്യ ബസ് ഉടമകള് ആവശ്യപ്പെട്ടിട്ടുണ്ട്.
വിദ്യാര്ത്ഥികള്ക്ക് കണ്സഷന് നല്കുന്നതില് പ്രായപരിധി നിശ്ചയിക്കണം. മിനിമം ചാര്ജ് അഞ്ച് രൂപയാക്കി വര്ധിപ്പിക്കണം. ലിമിറ്റഡ് സ്റ്റോപ്പ് ബസുകള് തുടരാന് അനുവദിക്കുക, നിലവിലെ പെര്മിറ്റുകള് നിലനിര്ത്തുക തുടങ്ങിയ ആവശ്യങ്ങളാണ് സംയുക്ത സമര സമിതി ആവശ്യപ്പെട്ടിരിക്കുന്നത്. ജൂണ് ഒന്നിന് വിദ്യാലയങ്ങള് തുറക്കുന്നതിന് പിന്നാലെയാണ് സ്വകാര്യ ബസ് ഉടമകള് സമരത്തിന് ആഹ്വാനം ചെയ്തിരിക്കുന്നത്.
