സിഡനി : ത്രിരാഷ്ട്ര പര്യടനത്തിന്റെ അവസാന പാദത്തില് പ്രധാനമന്ത്രി നരേന്ദ്ര മോദി ഓസ്ട്രേലിയയിലെ സിഡ്നിയിലെത്തി. ഇവിടെ ഓസ്ട്രേലിയന് പ്രധാനമന്ത്രി ആന്റണി അല്ബാനീസുമായി മോദി ഉഭയകക്ഷി ചര്ച്ചകള് നടത്തും.
ഇന്ത്യന് പ്രവാസികളെയും മോദി അഭിസംബോധന ചെയ്യും. ഓസ്ട്രേലിയന് കമ്പനികളുടെ സിഇഒമാരുമായും വ്യവസായ പ്രമുഖരുമായും പ്രധാനമന്ത്രി ആശയവിനിമയം നടത്തും.
മുമ്പ് ന്യൂദല്ഹിയില് നടന്ന ഓസ്ട്രേലിയ-ഇന്ത്യ വാര്ഷിക ഉച്ചകോടിയും ഹിരോഷിമയില് നടന്ന ജി 7 ഉച്ചകോടിയും ക്വാഡ് നേതാക്കളുടെ യോഗത്തിലും നടന്ന ചര്ച്ചകളെ അടിസ്ഥാനപ്പെടുത്തിയാണ് മോദിയുടെ ഓസ്ട്രേലിയ സന്ദര്ശനമെന്ന് കഴിഞ്ഞ ദിവസം ഓസ്ട്രേലിയന് പ്രധാനമന്ത്രിയുടെ ഓഫീസ് പ്രസ്താവന പുറപ്പെടുവിച്ചിരുന്നു.സമഗ്ര സാമ്പത്തിക സഹകരണ ഉടമ്പടിയിലൂടെ ഇരുരാജ്യങ്ങളും തമ്മിലുള്ള വ്യാപാരം വര്ധിപ്പിക്കാനുള്ള ശ്രമങ്ങള് ഉള്പ്പെടെയുള്ള ഇരു നേതാക്കളും ചര്ച്ച ചെയ്യുമെന്നും ജനങ്ങള് തമ്മിലുള്ള ബന്ധം, പുനരുപയോഗ ഊര്ജം, പ്രതിരോധ-സുരക്ഷാ സഹകരണം എന്നിവ ശക്തിപ്പെടുത്താന് ശ്രമിക്കുമെന്നും പ്രസ്താവനയില് പറയുന്നു. .
