തിരുവനന്തപുരം: കര്‍ണ്ണാടകത്തില്‍ കോണ്‍ഗ്രസ് ജയിച്ചതോടെ കട്ടിങ്ങ് സൗത്ത് എന്ന പ്രചാരണം ശക്തമാക്കിയിരിക്കുകയാണ് കോണ്‍ഗ്രസും ബിജെപി വിരുദ്ധരും. ദക്ഷിണേന്ത്യയില്‍ ബിജെപി ഇല്ലാതായി എന്ന നിലയ്‌ക്കാണ് കട്ടിങ്ങ് സൗത്ത് പ്രചാരണം ശക്തമാകുന്നത്. സൈബര്‍ സഖാക്കളും ഈ രീതിയില്‍ സമൂഹമാധ്യമങ്ങളില്‍ പ്രചാരണം ശക്തമാക്കിയിരിക്കുകയാണ്.
ഇതിനെതിരെ ശക്തമായ പ്രതികരണവുമായി രംഗത്തെത്തിയിരിക്കുകയാണ് ഹിന്ദുത്വ ചിന്തകനായ ടി.ജി. മോഹന്‍ദാസ്. കട്ടിങ്ങ് സൗത്ത് എന്ന പ്രചാരണത്തില്‍ യാതൊരു കഴമ്പുമില്ലെന്ന് അദ്ദേഹം പറയുന്നു.
“ഒരു കർണാടക തെരഞ്ഞെടുപ്പ് മാത്രമല്ല ഭാരതം! അതിനപ്പുറമാണ്. ഒരുപാട് കൊണ്ടും കൊടുത്തുമാണ് ഇവിടം വരെ എത്തിയത്. ഇനിയങ്ങോട്ടും അങ്ങനെതന്നെ ആയിരിക്കും ഒരു രാത്രി കൊണ്ട് നേരം വെളുക്കില്ല. ഒരു തെരഞ്ഞെടുപ്പും ഒരവസാനമല്ല. “- മോഹന്‍ദാസ് ട്വിറ്ററില്‍ പങ്കുവെച്ച കുറിപ്പില്‍ പറയുന്നു.
