കൊച്ചി: ഇന്ത്യയിലെ സംസ്ഥാനങ്ങളില്‍ വളര്‍ച്ചാനിരക്ക് ഏറ്റവും കുറഞ്ഞ മോശമായ മൂന്ന് സംസ്ഥാനങ്ങള്‍ക്കിടയിലാണ് കേരളം ഉള്ളതെന്ന് കോണ്‍ഗ്രസ് നേതാവ് എ.കെ. ആന്‍റണിയുടെ മകന്‍ അനില്‍ കെ. ആന്‍റണി. പ്രധാനമന്ത്രി നരേന്ദ്രമോദി പങ്കെടുക്കുന്ന യുവം-23 പരിപാടിയില്‍ സംസാരിക്കുകയായിരുന്നു അനില്‍ കെ. ആന്‍റണി.
ഐഎംഎഫിന്റെ കണക്ക് പ്രകാരം ഇന്ത്യ ഇന്ന് ലോകരാഷ്‌ട്രങ്ങളില്‍ ഏറ്റവും വേഗത്തില്‍ കുതിയ്‌ക്കുന്ന രാജ്യമാണ്. അടുത്ത അഞ്ചുവര്‍ഷത്തില്‍ ജര്‍മ്മനിയെയും ജപ്പാനെയും മറികടന്ന് ലോകത്തിലെ ഏറ്റവും വലിയ മൂന്നാമത്തെ സാമ്പത്തിക ശക്തിയായി ഇന്ത്യ മാറും. പക്ഷേ കേരളം ഇന്ത്യയിലെ സംസ്ഥാനങ്ങളുടെ കൂട്ടത്തില്‍ വളര്‍ച്ചാനിരക്ക് ഏറ്റവും മോശമായ സംസ്ഥാനങ്ങളിലൊന്നാണ്. കേരളം മാറേണ്ടിയിരിക്കുന്നു. -അനില്‍ പറഞ്ഞു.
വേദിയില്‍ കേന്ദ്രമന്ത്രി മുരളീധരന്‍ , മുന്‍ കേന്ദ്രമന്ത്രി പ്രകാശ് ജാവദേക്കര്‍, കെ. സുരേന്ദ്രന്‍, എന്നിവര്‍ ഉണ്ടായിരുന്നു.
