ചാരുംമൂട് : ആലപ്പുഴ ചാരുംമൂട്ടില് പട്ടികജാതി കുടുംബത്തിന് നേരെ സിപിഎം ചാരുംമുട് ഏരിയ സെക്രട്ടറിയുടെ നേതൃത്വത്തില് ആക്രമണം. പുരോഗമന കലസാഹിത്യസംഘം നേതാവ് സതീഷ് ബാബു വിനെ ആണ് സിപിഎം നേതാക്കള് തന്നെ ക്രൂരമായി മര്ദിച്ചതും വീട് തല്ലിതകര്ത്തതും. ഭാര്യക്കും മകനും മര്ദനമേറ്റതായി പരാതിയുണ്ട്. ചുനക്കരയിലെ പ്രാദേശികറോഡിന്റെ ശോച്യാവസ്ഥക്കെതിരെ ഫേസ്ബുക് പോസ്റ്റ് ഇട്ടതിന്റെ പേരിലാണ് വീട് കയറി ആക്രമണം. സിപിഎം ഏരിയ സെക്രട്ടറിയുടെ നേതൃത്വത്തില് എത്തിയ സംഘമാണ് ആക്രമണം നടത്തിയത്.
മര്ദ്ദനമേറ്റവരെ ആശുപത്രിയില് എത്തിക്കാന് ഇവര് സമ്മതിച്ചില്ല.സംഭവം കേട്ടറിഞ്ഞു എത്തിയ ബന്ധു അറിയിച്ചതിനെ തുടര്ന്ന് ബിജെപി പ്രവര്ത്തകര് ആംബുലന്സുമായി എത്തിയാണ് ആശുപത്രിയില് എത്തിച്ചത്. കഴിഞ്ഞ ദിവസം രാത്രി രാത്രി 12.30നാണ് സംഭവം.സതീഷ് ബാബു സിനിമ മേഖലയില് പ്രവര്ത്തിക്കുന്ന വ്യക്തി കൂടിയാണ്.
