പിറവം: ബെംഗളൂരുവിൽ പഠിക്കാൻ പോയ മകളുടെ നഗ്ന ചിത്രങ്ങൾ തന്റെ പക്കലുണ്ടെന്നും അത് പുറത്തു വിടുമെന്നും ഭീഷണിപ്പെടുത്തി മകളെ ബ്ലാക്ക് മെയിൽ ചെയ്ത് യുവാവ്. ഈ വിവരം അറിഞ്ഞ് മാനസികമായി തകര്‍ന്ന അച്ഛന്‍ ആത്മഹത്യ ചെയ്തു. ഇക്കഴിഞ്ഞ ജനവരിയിലാണ് അച്ഛന്‍ ആത്മഹത്യ ചെയ്തത്. എറണാകുളം ജില്ലയിലെ പിറവത്താണ് സംഭവം. മകൾ ചതിക്കപ്പെട്ടെന്ന വിവരമറിഞ്ഞ് മനസ് വേദനിച്ചാണ് അച്ഛന്റെ ആത്മഹത്യ.
ഈ സംഭവത്തിൽ വില്ലനായ യുവാവിനെ പിടിക്കാന്‍ പൊലീസിന് ഇതുവരെയും കഴിഞ്ഞിട്ടില്ല. യുവാവ് ഇപ്പോഴും ഒളിവിലാണ്. മാസങ്ങള്‍ക്ക് മുന്‍പാണ് ഈ സംഭവം നടന്നത്.പലയിടത്തും തിരച്ചില്‍ നടത്തിയിട്ടും പൊലീസിന് യുവാവിനെ ഇതുവരെയും പിടികൂടാന്‍ കഴിഞ്ഞിട്ടില്ല.
ഡിസംബര്‍ അവസാനമാണ് കേസിനാസ്പദമായ സംഭവങ്ങളുണ്ടായതെന്നാണ് വിവരം. മരണപ്പെട്ട വ്യക്തിയുടെ മകൾ ബംഗളൂരുവില്‍ ബിഎസ്‌സി നഴ്സിങ്ങിന് പഠിക്കുകയായിരുന്നു. പഠിച്ചുകൊണ്ടിരിക്കുന്നതിനിടയിൽ പെൺകുട്ടി പിറവം സ്വദേശിയായ യുവാവുമായി അടുപ്പത്തിലായി. അടുപ്പം തുടർന്നതോടെ പെൺകുട്ടിയുടെ നിരവധി നഗ്നചിത്രങ്ങൾ യുവാവിന്റെ കൈകളിൽ എത്തി.എങ്ങിനെയാണ് യുവാവ് ഈ നഗ്ന ചിത്രങ്ങള്‍ പകര്‍ത്തിയതെന്ന് അറിയില്ല. ഇതിനിടെ ഇരുവരും തമ്മിലുള്ള ബന്ധത്തിന് പ്രശ്നങ്ങളുണ്ടായി. . അതിനു പിന്നാലെ യുവാവ് ഈ നഗ്നചിത്രങ്ങൾ കാണിച്ച് പെൺകുട്ടിയെ ബ്ലാക്ക് മെയിൽ ചെയ്യാന്‍ തുടങ്ങിയത്.
തനിക്ക് വഴങ്ങിയില്ലെങ്കിൽ നഗ്നചിത്രങ്ങൾ പുറത്തുവിടുമെന്നാണ് യുവാവ് പറഞ്ഞത്. വഴങ്ങുന്നില്ലെന്ന് കണ്ട് കൂടുതല്‍ ഭീഷണിപ്പെടുത്താന്‍ ഈ പെൺകുട്ടിയുടെ നഗ്നചിത്രങ്ങൾ മറ്റൊരു പെണ്‍കുട്ടിക്ക് യുവാവ് അയച്ചുകൊടുക്കുകയും ചെയ്തിരുന്നു. കാര്യങ്ങള്‍ കൈവിട്ടുപോകുന്ന ഘട്ടത്തില്‍ പെൺകുട്ടി ഇക്കാര്യം വീട്ടിൽ പറഞ്ഞു.വിവരമറിഞ്ഞ പിതാവ് യുവാവുമായി ബന്ധപ്പെട്ട് അപേക്ഷിച്ചെങ്കിലും യുവാവ് പിന്‍മാറാന്‍ തയ്യാറായിരുന്നില്ല.
ഇതോടെ പെൺകുട്ടി പിറവം പൊലീസിൽ പരാതി നൽകി. അതിനുപിന്നാലെ മാനസികമായി തകർന്ന പിതാവ് ആത്മഹത്യ ചെയ്യുകയായിരുന്നു. പൊലീസിന് പലയിടത്തും തിരച്ചില്‍ നടത്തിയെങ്കിലും യുവാവിനെ കണ്ടുപിടിക്കാനായിട്ടില്ല.
