ന്യൂദല്ഹി:പ്രധാന മന്ത്രി നരേന്ദ്ര മോദിക്കും, ഗൗതം അദാനിക്കുമെതിരെ രംഗത്തെത്തിയിരിക്കുന്ന യുഎസ് ശതകോടീശ്വരൻ ജോർജ് സോറോസ്.കോണ്ഗ്രസിനോട് താല്പര്യമുള്ള വ്യക്തി. രാഹുല് ഗാന്ധി 2023 മാര്ച്ചില് കേംബ്രിഡ്ജ് സര്വ്വകലാശാലയില് നടത്താന് പോകുന്നത് മൂന്ന് പ്രസംഗ പരിപാടികളാണ്. കേംബ്രിഡജ് സര്വ്വകലാശാലയുടെ മുഖ്യ ധനസഹായി ആണ് ജോര്ജ്ജ് സോറോസ്.
അദാനി-മോദി ബന്ധം രാഹുല് ഗാന്ധിയും സോറോസും ആരോപിച്ച പശ്ചാത്തലത്തിലാണ് രാഹുല് ഗാന്ധിയുടെ പ്രസംഗമെന്നത് ശ്രദ്ധേയമാണ്. ഇന്ത്യ-ചൈന ബന്ധം, ബിഗ് ഡേറ്റയും ജനാധിപത്യവും തുടങ്ങിയ വിഷയത്തില് രാഹുല് പ്രസംഗിക്കുമ്പോള് വേദി പങ്കിടാനെത്തുന്നത് പ്രമുഖ മോദി വിരോധിയായ ശ്രുതി കപില. .
2024ല് ഇന്ത്യയില് ഭരണമാറ്റം ഉണ്ടാകാന് ആഗ്രഹിക്കുന്ന വിദേശ ശക്തികളുമായി കൈകോര്ക്കുകയാണ് കോണ്ഗ്രസ് എന്നതിന് നിരവധി ഉദാഹരണങ്ങള് പുറത്തുവന്ന് കഴിഞ്ഞു. 2008ല് ചൈനയുമായി കോണ്ഗ്രസ് കരാറുണ്ടാക്കിയത് ഉദാഹരണം. ഇപ്പോള് ശതകോടീശ്വരന് ജോര്ജ്ജ് സോരോസുമായുള്ള ബന്ധവും പുറത്തുവന്നിരിക്കുകയാണ്.
2013 മുതല് കേംബ്രിഡ്ജ് സര്വ്വകലാശാലയുടെ ധനസഹായിയും അഭ്യുദയകാംക്ഷിയുമാണ് ജോര്ജ്ജ് സോറോസ്. ജോര്ജ്ജ് സോറോസിന്റെ സാമ്പത്തിക സഹായം വാങ്ങുന്ന മോദി വിരുദ്ധ ബുദ്ധിജീവികള് നിരവധിയാണ്. മുന് പ്രധാനമന്ത്രി മന്മോഹന്സിങ്ങിന്റെ മകള് അമൃത സിങ്ങ് ഇക്കൂട്ടത്തില്പ്പെട്ടയാളാണ്. അതുപോലെ പൗരത്വ ഭേദഗതി ബില്ലിനെതിരെ (സിഎഎ) ഐഎഎസ് തലത്തില് കലാപമുണ്ടാക്കാന് വഴിമരുന്നിട്ട സാമൂഹ്യപ്രവര്ത്തകന് ഹര്ഷ് മാന്ഡര് ഇക്കൂട്ടത്തില്പ്പെട്ട മറ്റൊരാളാണ്. 2018ല് ഇന്ത്യ ഫ്രഞ്ച് സര്ക്കാരുമായി നടത്തിയ റഫാല് യുദ്ധവിമാനക്കേസ് ഉയര്ത്തിക്കാട്ടി മോദിയെയും സര്ക്കാരിനെയും പിടിച്ചുലക്കാന് ശ്രമിച്ച എന്ജിഒ സംഘമായ ഷേര്പ്പയ്ക്ക് ഫണ്ട് നല്കുന്നത് ജോര്ജ്ജ് സോറോസ് ആണ്.
വിചാരണകൂടാതെ ദേശദ്രോഹികളെ തടങ്കലില് വെയ്ക്കാന് കഴിയുന്ന രാജ്യദ്രോഹനിയമം റദ്ദാക്കാന് വേണ്ടി വാദിച്ച സോഷ്യോ ലീഗല് ഇന്ഫര്മേഷന് സെന്റര് (എസ് എല് ഐസി) ഓടുന്നത് ജോര്ജ്ജ് സോറോസിന്റെ പണത്തിലാണ്.
2019ല് ട്രംപുമായി ചേര്ന്ന് മോദി ഹൗഡി മോഡി എന്ന പരിപാടി നടത്തിയപ്പോള് അതിനെതിരെ പാക് പ്രധാനമന്ത്രിയുടെ ഒരു പരിപാടി വെയ്ക്കാന് ഇമ്രാന്ഖാനെ ഉടനെ ജോര്ജ്ജ് സോറോസ് എത്തിയത് വലിയ വാര്ത്തയായിരുന്നു.
നല്ല പാക് ബന്ധമുള്ള ശശി തരൂരുമായി ജോര്ജ്ജ് സോറോസ് നല്ല ബന്ധം സൂക്ഷിക്കുന്നു.
2021ല് ദി വൈര് മാസിക മോദി സര്ക്കാര് ഇസ്രയേലിലെ പെഗാസസിനെ കൂട്ട് പിടിച്ച് പ്രതിപക്ഷ നേതാക്കളുടെ രഹസ്യം ചോര്ത്തുന്നുവെന്ന റിപ്പോര്ട്ട് വ്യാപകമായി പ്രചരിച്ചിരുന്നു. ഇത്തരം റിപ്പോര്ട്ടുകള് അതീവപ്രാധാന്യത്തോടെ പ്രസിദ്ധീകരിച്ച ദി വൈര് മാസികയ്ക്ക് പണം നല്കുന്ന വ്യക്തിയാണ് ജോര്ജ്ജ് സോറോസ്.
അദാനി വിഷയത്തിൽ മോദി, പാർലമെന്റിലും, വിദേശ നിക്ഷേപകരോടുമടക്കം മറുപടി പറയേണ്ടി വരുമെന്നായിരുന്നു കഴിഞ്ഞ ദിവസം ജോര്ജ്ജ് സോറോസ് നടത്തിയ വിവാദ പ്രസ്താവന.
