ന്യൂദല്‍ഹി: ജനങ്ങളുടെ ‘ജീവിതം സുഗമമാകുന്നതില്‍ ‘സാങ്കേതികവിദ്യ പ്രയോജനപ്പെടുത്തുന്നതിന് ഇന്ത്യ വലിയ പ്രാധാന്യം നല്‍കുന്നുവെന്ന് പ്രധാനമന്ത്രി നരേന്ദ്ര മോദി പറഞ്ഞു. ഡ്രോണുകള്‍ ഉപയോഗിച്ച് മരുന്നുകള്‍ എത്തിക്കാന്‍ എയിംസ് ഋഷികേശ് നടത്തിയ ട്രയല്‍ റണ്‍ വാര്‍ത്തയോട് പ്രതികരിക്കുകയായിരുന്നു അദേഹം.
എയിംസ് ഋഷികേശില്‍ നിന്ന് 40 കിലോമീറ്റര്‍ വ്യോമ ദൂരത്തില്‍ തെഹ്‌രി ഗഡ്‌വാളിലെ ജില്ലാ ആശുപത്രിയിലേക്ക് രണ്ടു കിലോഗ്രാം ടിബി മരുന്നുകള്‍ 30 മിനിറ്റ് കൊണ്ട് എത്തിക്കാന്‍ ഉപയോഗിച്ച ഡ്രോണുകളുടെ ട്രയല്‍ റണ്‍ എയിംസ് ഋഷികേശ് നടത്തുന്നതിനെക്കുറിച്ചുള്ള ആരോഗ്യ മന്ത്രാലയത്തിന്റെ ട്വീറ്റിനോട് മറുപടിയായാണ് അദ്ദേഹം സാങ്കേതികവിദ്യയുടെ ആവശ്യകത ചൂണ്ടിക്കാട്ടിയത്.
