വാഷിംഗ്ടണ്: അമേരിക്കയിലെ പ്രശസ്തമായ മിഷിഗണ് സ്റ്റേറ്റ് യൂണിവേഴ്സിറ്റി കാമ്പസില് വെടിവയ്പ്പ്. കാമ്പസിനുള്ളിലെ രണ്ടിടത്തായി നടന്ന വെടിവയ്പ്പില് മൂന്നു പേർ കൊല്ലപ്പെടുകയും നിരവധി പേര്ക്ക് പരിക്കേല്ക്കുകയും ചെയ്തു. അക്കാദമിക് കെട്ടിടത്തിന് സമീപത്തുള്ള ബെര്ക്കി ഹാളിലും ഐ എം ഈസ്റ്റിലുമാണ് വെടിവയ്പ്പ് നടന്നത്.
പരിക്കേറ്റ അഞ്ചുപേരെ ആശുപത്രിയിൽ പ്രവേശിപ്പിച്ചു. ചിലരുടെ നില ഗുരുതരമാണെന്ന് പോലീസ് വ്യക്തമാക്കി. വിദ്യാർത്ഥികളും അധ്യാപകരും സുരക്ഷിതമായ സ്ഥലത്തേയ്ക്ക് മാറണമെന്ന് പോലീസ് ആവശ്യപ്പെട്ടു. കാമ്പസില് ഉണ്ടായിരുന്നവരെ പോലീസ് ഒഴിപ്പിച്ചു. പ്രതിയെ ഇതുവരെ പിടികൂടിയിട്ടില്ല. വെടിവയ്പ്പിനെ തുടര്ന്ന് 48മണിക്കൂര് സര്വകലാശാല അടച്ചിട്ടു. 50,000ലേറെ ബിരുദ- ബിരുദാനന്തര വിദ്യാര്ത്ഥികള് പഠിക്കുന്ന സര്വകലാശാലയാണ് മിഷിഗണ് യൂണിവേഴ്സിറ്റി. പ്രതിയെന്ന് സംശയിക്കുന്ന ആളുടെ ചിത്രം പോലീസ് പുറത്തുവിട്ടിട്ടുണ്ട്.
കാൽനടയായി എത്തിയ മാസ്ക് വച്ച പൊക്കം കുറഞ്ഞ മനുഷ്യനാണ് വെടിയുതിർത്തതെന്ന് പോലീസ് പറയുന്നു.
