ന്യൂദല്ഹി : കോണ്ഗ്രസ്സിന്റെ ദല്ഹി ഭാരത് ജോഡോ പദ യാത്രയ്ക്കിടെ രാഹുല്ഗാന്ധി 113 തവണ സുരക്ഷാ ലംഘനം നടത്തിയെന്ന് സിആര്പിഎഫ്. രാഹുല് ഗാന്ധിയുടെ നിര്ദ്ദേശങ്ങള് പ്രകാരമാണ് സുരക്ഷാ ഉദ്ദ്യോഗസ്ഥര് സുരക്ഷ ഒരുക്കിയത്. എന്നിട്ടും അദ്ദേഹം ഈ നിര്ദ്ദേശങ്ങള് പാലിച്ചിരുന്നില്ലെന്നും സിആര്പിഎഫിന്റെ റിപ്പോര്ട്ടില് പറയുന്നുണ്ട്.
ഭാരത് ജോഡോ യാത്രയുടെ ദല്ഹി പര്യടനത്തില് സുരക്ഷ വീഴ്ചയുണ്ടായതായി കോണ്ഗ്രസ് കേന്ദ്ര ആഭ്യന്തര മന്ത്രി അമിത് ഷായ്ക്ക് പരാതി നല്കിയിരുന്നു. ഇതിനെ തുടര്ന്ന് സിആര്പിഎഫ് മറുപടി നല്കിയതാണ്. ദല്ഹിയില് രാഹുലിന്റെ മാര്ഗ നിര്ദ്ദേശങ്ങള് പ്രകാരം പഴുതടച്ചുള്ള സുരക്ഷാ ക്രമീകരണങ്ങളാണ് ഒരുക്കിയിരുന്നത്. എന്നാല് അദ്ദേഹം തന്നെ ഇതെല്ലാം ലംഘിക്കുകയായിരുന്നു.
ആള്ക്കൂട്ടം വെല്ലുവിളിയാകുന്ന സാഹചര്യം രാഹുലിനെ നിരവധി തവണ മുന്നറിയിപ്പ് നല്കിയെങ്കിലും അവഗണിച്ച് നീങ്ങുകയായിരുന്നു. 2020 മുതല് 113 തവണ രാഹുല് സുരക്ഷ മാര്ഗനിര്ദ്ദേശങ്ങള് ലംഘിച്ചിട്ടുണ്ടെന്നും സിആര്പിഎഫ് നല്കിയ വിശദീകരണത്തില് പറയുന്നുണ്ട്.
