ന്യൂദല്ഹി : സംസ്ഥാന രാഷ്ട്രീയത്തില് വിവാദമായിട്ടും ദല്ഹി പോളിറ്റ് ബ്യൂറോ യോഗത്തില് ഇ.പി ജയരാജനെതിരായ പരാതി ചര്ച്ച ചെയ്തില്ല.പകരം ഗവര്ണര് വിഷയമാണ് ചര്ച്ച ചെയ്തതെന്ന് സിപിഎം ജനറല് സെക്രട്ടറി സീതാറാം യെച്ചൂരി പ്രതികരിച്ചു. ദല്ഹിയില് മാധ്യമങ്ങളോട് സംസാരിക്കുകയായിരുന്നു അദ്ദേഹം.
കേരളവുമായി ബന്ധപ്പെട്ട് ഗവര്ണറുടെ വിഷയമാണ് പിബി ചര്ച്ചയില് ഉയര്ന്നുവന്നത്. ഇ.പി. ജയരാജനെതിരെയുള്ള വിവാദങ്ങളൊന്നും ചര്ച്ചയ്ക്ക് വന്നില്ല. കേരളത്തിലെ വിഷയങ്ങള് സംസ്ഥാന നേതൃത്വം കൈകാര്യം ചെയ്യും. ത്രിപുരയില് ബിജെപിയെ അധികാരത്തില് നിന്നും പുറത്താക്കുകയെന്നതാണ് സിപിഎമ്മിന്റെ ലക്ഷ്യം. തെരഞ്ഞെടുപ്പ് സഖ്യം സംബന്ധിച്ച ചര്ച്ചയും സ്ഥാനാര്ത്ഥി നിര്ണയവും അടുത്ത മാസം 9 നു സംസ്ഥാന കമ്മറ്റിയില് നടക്കുമെന്നും യെച്ചൂരി വിശദീകരിച്ചു.
എന്നാല് ഭാരത് ജോഡോ യാത്ര കോണ്ഗ്രസിന്റെ പരിപാടിയാണ്. രാഹുല് ഗാന്ധി നയിക്കുന്ന കോണ്ഗ്രസ് ഭാരത് ജോഡോ യാത്രയില് സിപിഐഎം നേതാക്കള് ആരും പങ്കെടുക്കില്ലെന്നും യെച്ചൂരി വ്യക്തമാക്കി. സിപിഎം കേന്ദ്ര കമ്മറ്റിയംഗം മുഹമ്മദ് യൂസഫ് തരിഗാമി പങ്കെടുക്കുമെന്ന് കോണ്ഗ്രസ് അറിയിച്ചതിന് പിന്നാലെയാണ് ഈ പ്രതികരണം.
