അഹമ്മദാബാദ്: ഗുജറാത്തില് ഒന്നാംഘട്ട തെരഞ്ഞെടുപ്പ് പുരോഗമിക്കുന്നതിനിടെ മൂന്നു മണിക്കൂര് നീളുന്ന മെഗാ റോഡ്ഷോയുമായി പ്രധാനമന്ത്രി നരേന്ദ്രമോദി. പുഷ്പാഞ്ജലി യാത്ര എന്ന പേരില് 16 നിയമസഭാമണ്ഡലങ്ങള് ഉള്പ്പെടുത്തി നടത്തുന്ന റോഡ്ഷോ ഏകദേശം 50 കിലോമീറ്ററിലധികം സഞ്ചരിക്കും.
രണ്ടാം ഘട്ടത്തില് തെരഞ്ഞെടുപ്പ് നടക്കുന്ന മണ്ഡലങ്ങളായ നരോദ ഗാമില് നിന്ന് ആരംഭിക്കുന്ന റോഡ് ഷോ ഗാന്ധിനഗര് സൗത്തില് സമാപിക്കും. ഇന്ന് വൈകിട്ട് 3.30ന് ആരംഭിച്ച് 6.30ന് സമാപിക്കും. ഒരു ദിവസത്തെ ഇടവേളയ്ക്കുശേഷമാണ് മോദി വീണ്ടും തെരഞ്ഞെടുപ്പ് പ്രചാരണത്തിനായി ഗുജറാത്തിലെത്തിയത്.
