അഹമ്മദാബാദ്: ഗുജറാത്തിലെ നിയമസഭാ തെരഞ്ഞെടുപ്പില് മൂന്നില് രണ്ട് ഭൂരിപക്ഷത്തോടെ ബിജെപി വീണ്ടും അധികാരത്തില് വരുമെന്ന് എബിപി-സീവോട്ടര് സര്വ്വേ. ആകെയുള്ള 182 അംഗ നിയമസഭയില് 134-142 സീറ്റുകള് വരെ ബിജെപി നേടുമെന്നും സര്വ്വേ പറയുന്നു. ആറ് തവണ ഗുജറാത്ത് ഭരിച്ച ബിജെപി ഏഴാം തവണയായിരിക്കും തുടര്ഭരണം നേടുക.
അതേ സമയം കോണ്ഗ്രസ് തകര്ന്നടിയുമെന്നും സര്വ്വേ പറയുന്നു. കോണ്ഗ്രസ് ഇക്കുറി 28 മുതല് 36 സീറ്റുകളില് ഒതുങ്ങും.2017ലെ തെരഞ്ഞെടുപ്പില് 77 സീറ്റുകള് നേടിയ സ്ഥാനത്താണ് കോണ്ഗ്രസിന്റെ ഈ പതനം.
വലിയ പ്രതീക്ഷയോടെ എത്തിയ ആം ആദ്മി പാര്ട്ടിക്ക് കാര്യമായ ചലനം ഉണ്ടാക്കാന് കഴിയില്ല. ഗുജറാത്തില് അക്കൗണ്ട് തുറക്കുന്ന ആം ആദ്മി 7 മുതല് 15 വരെ സീറ്റുകള് നേടിയേക്കാം. എങ്കിലും കോണ്ഗ്രസിന്റെ വോട്ടുബാങ്കില് ആം ആദ്മി പാര്ട്ടി വിള്ളല് വീഴ്ത്തും.
തെക്കന് ഗുജറാത്തിലായിരിക്കും ബിജെപിയുടെ ആധിപത്യം കൂടുതലായി അനുഭവപ്പെടുക.
