അഹമ്മദാബാദ്: 11 തവണ കോണ്‍ഗ്രസിന്റെ എംഎല്‍എ ആയിരുന്ന മോഹന്‍സിന്‍ഹ് രത് വ കോണ്‍ഗ്രസില്‍ നിന്നും രാജിവെച്ചു. കോണ്‍ഗ്രസിന്റെ മുഖത്തേറ്റ അടിയാണ് നിയമസഭാ തെരഞ്ഞെടുപ്പിന് തൊട്ട് മുന്‍പുള്ള ഈ രാജി.
രത് വ വൈകാതെ ബിജെപിയില്‍ ചേര്‍ന്നേക്കുമെന്നാണ് സൂചന. ബിജെപിയുടെ സംസ്ഥാന നേതാക്കളുമായുള്ള അഭിപ്രായവ്യത്യാസങ്ങളാണ് രത് വയെ പാര്‍ട്ടി വിടാന്‍ പ്രേരിപ്പിച്ചത്.
യുവാക്കള്‍ക്ക് അവസരം നല്‍കാന്‍ ഇക്കുറി താന്‍ മത്സരിക്കില്ലെന്ന് മെയ് മാസത്തില്‍ തന്നെ രത് വ പ്രഖ്യാപിച്ചിരുന്നു. ഛോട്ടാ ഉദയ് പൂരിലെ സിറ്റിംഗ് എംഎല്‍എ ആണ് രത് വ. തെരഞ്ഞെടുപ്പ് അടുക്കുംതോറും കോണ്‍ഗ്രസിന് ഗുജറാത്തില്‍ തുടര്‍ച്ചയായി തിരിച്ചടി കിട്ടുകയാണ്. പല നേതാക്കളും കോണ്‍ഗ്രസ് വിട്ട് ബിജെപിയിലേക്ക് ചേക്കേറുന്നു.
