തിരുവനന്തപുരം : യെച്ചൂരി ഒരേ സമയം കോണ്ഗ്രസിന്റേയും സിപിഎമ്മിന്റേയും ജനറല് സെക്രട്ടറി ആണെന്ന ജയറാം രമേശിന്റെ പ്രസ്താവനയെ പരിഹസിച്ച് ബിജെപി നേതാവ് സന്ദീപ് വാര്യര്. ഒരേ സമയം രണ്ട് വീട്ടിലെ വാഷിങ് മെഷീനാകാന് അവസരം ലഭിച്ച യെച്ചൂരി എന്ത് ഭാഗ്യവാനാണെന്ന് സന്ദീപ് വാര്യര് എഫ്ബി പോസ്റ്റിലൂടെ പ്രതികരിച്ചു.
എന്തിനാണ് സതീശനും സുധാകരനുമൊക്കെ ഇവിടെ കിടന്ന് പിണറായിക്കെതിരെ ബോഡി വിത്ത് മസില് ഷോ കാണിക്കുന്നതെന്ന് മനസ്സിലാകുന്നില്ല. ഹൈക്കമാന്ഡിന് നിങ്ങളെയല്ല സിപിഎം ജനറല് സെക്രട്ടറിയെ ആണ് വിശ്വാസം. തമിഴ്നാട്ടില് രാജീവ് വധത്തിന് ഉത്തരവാദികളായ തീവ്രവാദികള് സഖ്യ കക്ഷിയായ തീമൂക്കയുടെ സഹായത്തോടെ പുറത്തിറങ്ങി നടക്കാന് പോകുന്നു.
തെരഞ്ഞെടുപ്പ് നടക്കുന്ന സംസ്ഥാനങ്ങളില് പ്രചാരണത്തിന് പോലും ദേശീയ നേതാക്കളില്ല. കോണ്ഗ്രസ് പ്രവര്ത്തകര് നിശബ്ദ പ്രചാരണത്തിലാണത്രെ. ഇത് കോണ്ഗ്രസ്സിനെ അറിയാവുന്ന ആരെങ്കിലും വിശ്വസിക്കുമോ? കോണ്ഗ്രസ്സ് ആകെപ്പാടെയുള്ളത് കേരളത്തിലാണ്. അപ്പോഴാണ് ജയറാം രമേശിനെ പോലെയുള്ള വാ പോയ കോടാലികള് യെച്ചൂരിയെ കോണ്ഗ്രസ്സാക്കുന്നതെന്നും സന്ദീപ് വാര്യര് കുറിച്ചു.
