മുംബൈ : ബോളീവുഡ് താരങ്ങളായ രണ്ബീര് കപൂറിനും ആലിയ ഭട്ടിനും പെണ്കുഞ്ഞ് പിറന്നു. ഞായറാഴ്ച രാവിലെയോടെ ആലിയയെ മുംബൈയിലെ സ്വകാര്യ ആശുപത്രിയില് പ്രവേശിപ്പിക്കുകയായിരുന്നു. ഉച്ചയ്ക്ക് 12.05 ഓടെ ആലിയ ഭട്ട് പെണ്കുഞ്ഞിന് ജന്മം നല്കിയത്.
ഏപ്രില് 14 നാണ് ആലിയയും റണ്ബീറും വിവാഹിതരായത്. ജൂലൈയിലാണ് ആലിയ ഗര്ഭിണിയാണെന്ന വിവരം താരങ്ങള് പുറത്തുവിടുന്നത്. അയാന് മുഖര്ജി സംവിധാനം ചെയ്ത ബ്രഹ്മാസ്ത്രയാണ് ആലിയയുടേയും റണ്ബീറിന്റേയും ഒടുവില് പുറത്തിറങ്ങിയ ചിത്രം. ഇരുവരും ആദ്യമായി ഒന്നിച്ച ചിത്രം കൂടിയായിരുന്നു ഇത്.
ഗാല് ഗാഡോട്ട്, ജാമി ഡോര്നന്, മത്തിയാസ് ഷ്വീഗോഫര്, സോഫി ഒക്കോനെഡോ എന്നിവര്ക്കൊപ്പം ഹാര്ട്ട് ഓഫ് സ്റ്റോണ് എന്ന ഹോളിവുഡ് ചിത്രമാണ് ആലിയയുടെ ഇനി പുറത്തിറങ്ങാനുള്ള സിനിമ. രണ്വീര് സിങ്ങിനൊപ്പം കരണ് ജോഹറിന്റെ റോക്കി ഔര് റാണി കി പ്രേം കഹാനിയും പുറത്തിറങ്ങാനുണ്ട്.
ആലിയയ്ക്കും രണ്ബീറിനും പെണ്കുഞ്ഞ് പിറന്നതോടെ പ്രിയങ്ക ചോപ്ര, മഹേഷ് ബാബു, കരീന കപൂര് തുടങ്ങി നിരവധി ബോളീവുഡ് താരങ്ങളും സമൂഹ മാധ്യമങ്ങളിലും മറ്റും ആശംസകള് അറിയിച്ചിട്ടുണ്ട്.
