ഇസ്ലാമബാദ് :ബംഗ്ലാദേശ് ഇന്ത്യയോട് തോറ്റതോടെ ഏറ്റവുമധികം നിരാശപ്പെട്ട പാക് നടി സെഹര് ഷിന്വാരി പുതിയ ട്വീറ്റുമായി രംഗത്തിറങ്ങിയിരിക്കുകയാണ്. ട്വന്റി20യില് സിംബാബ് വേ ഇന്ത്യയെ തോല്പിച്ചാല് ഒരു സിംബാബ് വേ പൗരനെ വിവാഹം കഴിക്കുമെന്നാണ് സെഹര് ഷിന്വാരിയുടെ വാഗ്ദാനം. നവമ്പര് ആറ് ഞായറാഴ്ചയാണ് ഇന്ത്യയും സിംബാബ് വേയും കൊമ്പ് കോര്ക്കുന്നത്.
ഇന്ത്യ-ബംഗ്ലദേശ് മത്സരത്തില് ബംഗ്ലാദേശിന്റെ വിജയമാണ് താന് ആഗ്രഹിക്കുന്നതെന്ന് പല തവണ സെഹര് ഷിന്വാരി ട്വീറ്റ് ചെയ്തിരുന്നു. എന്നാല് എല്ലാം പാഴായി. ഇന്ത്യ ബംഗ്ലദേശിനെ തോല്പിച്ചതോടെ സിംബാബ് വേയില് പ്രതീക്ഷ അര്പ്പിച്ച് കാത്തിരിക്കുകയാണ് ഷിന്വാരി.
എന്തായാലും സിംബാബ് വേക്കാരനെ കല്ല്യാണം കഴിക്കേണ്ടി വരില്ലെന്നാണ് സമൂഹമാധ്യമങ്ങളില് പലരും ട്വീറ്റിലൂടെ ഷിന്വാരിക്ക് മറുപടി കൊടുക്കുന്നത്. ഇന്ത്യയുടെ വിജയത്തില് ശുഭാപ്തി വിശ്വാസത്തിലാണ് ഇന്ത്യയുടെ ആരാധകര്. മിക്കവാറും ഷിന്വാരിയുടെ ട്വിറ്റര് അക്കൗണ്ട് തന്നെ പൂട്ടേണ്ടി വരുമെന്നും ഒരാള് പ്രതികരിച്ചിട്ടുണ്ട്. ചിലപ്പോള് ജീവിതകാലം മുഴുവന് അവിവാഹിതയായി തുടരേണ്ടിവരുമെന്നും ചിലര് ട്രോളിയിട്ടുണ്ട്. അതേ സമയം എന്താണ് ഷിന്വാരിക്ക് ഇന്ത്യയോട് ഇത്ര വെറുപ്പെന്ന് ചോദിക്കുന്നവരും ഉണ്ട്.
അവരുടെ(സിംബാബ് വേ) ടീം അത്ഭുതകരമായി ഇന്ത്യയെ പരാജയപ്പെടുത്തുകയാണെങ്കില് തീര്ച്ചയായും ഞാന് സിംബാബ് വേ പൗരനെ വിവാഹം കഴിക്കും ഇതായിരുന്നു ഷിന്വാരിയുടെ ട്വീറ്റ്. നൂറുകണക്കിന് പേര് ഇതിന് ലൈക്കടിച്ചിട്ടുണ്ട്. സിംബാബ് വേ പാകിസ്ഥാനെ ഒരു റണ്സിന് കഴിഞ്ഞ ദിവസം തോല്പിച്ചതോടെയാണ് ഇന്ത്യയെ തോല്പിക്കുക എന്ന തന്റെ മോഹം സിംബാബ് വേയിലൂടെയെങ്കിലും സാധ്യമാകുമെന്ന് ഷിന്വാരി പ്രതീക്ഷിക്കുന്നത്.
