ന്യൂദല്ഹി: കോണ്ഗ്രസ് പ്രസിഡന്റ് തെരഞ്ഞെടുപ്പ് ആരംഭിച്ചു. മല്ലികാര്ജ്ജുന് ഖാര്ഗെയും ശശി തരൂരും തമ്മിലാണ് പോരാട്ടം. രാവിലെ പത്തിനാണ് വോട്ടെടുപ്പ് ആരംഭിച്ചത്. വൈകfട്ട് നാല് വരെയാണ് വോട്ടെടുപ്പ് നടക്കുക. 9308 വോട്ടര്മാരാണ് ആകെ ഉള്ളത്. രഹസ്യ ബാലറ്റിലൂടെയാണ് വോട്ടെടുപ്പ നടക്കുന്നത്. എഐസിസിയിലും പിസിസികളിലുമായി 67 ബൂത്തുകളും, ഭാരത് ജോഡോ യാത്രയില് ഒരു ബൂത്തുമാണ് സജ്ജീകരിച്ചിരിക്കുന്നത്. ബാലറ്റ് പേപ്പറ്റില് ആദ്യം മല്ലികാര്ജ്ജുന് ഖാര്ഗെയുടെയും രണ്ടാമത് തരൂരിന്റെയും പേരുകളാണ് നല്കിയിരിക്കുന്നത്. സ്ഥാനാര്ത്ഥിമാരായ ഖാര്ഗെ കര്ണ്ണാടകത്തിലും, തരൂര് കേരളത്തിലും വോട്ട് രേഖപ്പെടുത്തും.
കോണ്ഗ്രസ് അധ്യക്ഷ സോണിയാ ഗാന്ധിയും പാര്ട്ടി ജനറല് സെക്രട്ടറി പ്രിയങ്കാ ഗാന്ധിയും എഐസിസി ആസ്ഥാനത്ത് വോട്ട് ചെയ്യും. ഭാരത് ജോഡോ യാത്ര നയിക്കുന്ന രാഹുല് ഗാന്ധി കര്ണാടക ബല്ലാരിയിലെ സംഗനാക്കല്ലിലെ കേന്ദ്രത്തിലാകും വോട്ട് ചെയ്യുക.
വിവിധ കേന്ദ്രങ്ങളില്നിന്നുള്ള ബാലറ്റുകള് ഒക്ടോബര് 18ന് ഡല്ഹിയിലെത്തിക്കും. 19നാണ് വോട്ടെണ്ണല് നടക്കുന്നത്. അന്നുതന്നെ ഫലപ്രഖ്യപനവും ഉണ്ടാകുമെന്നാണ് പ്രതീക്ഷിക്കുന്നത്. കോണ്ഗ്രസിന്റെ 137 വര്ഷത്തെ ചരിത്രത്തില് ഇത് ആറാംതവണയാണ് അധ്യക്ഷപദത്തിലേക്ക് മത്സരം നടക്കുന്നത്. 24 കൊല്ലത്തിനിടെ ഗാന്ധികുടുംബത്തിനു പുറത്തുനിന്നൊരാള് കോണ്ഗ്രസ് അധ്യക്ഷപദത്തിലേക്ക് ആദ്യമായാണ് മത്സരിക്കുന്നത്.
