അഹമ്മദാബാദ്: ഗുജറാത്ത് സന്ദര്ശനത്തിനിടെ രോഗിയുമായി പോയ ആംബുലന്സിനായി വാഹനവ്യൂഹം നിര്ത്താന് നിര്ദേശിച്ച് പ്രധാനമന്ത്രി നരേന്ദ്ര മോദി. രണ്ടു ദിവസത്തെ ഗുജറാത്ത് സന്ദര്ശനത്തിനെത്തിയ പ്രധാനമന്ത്രി, വെള്ളിയാഴ്ച അഹമ്മദാബാദില്നിന്ന് ഗാന്ധിനഗറിലേക്ക് പോകുമ്പോഴായിരുന്നു സംഭവം.
യാത്രാമധ്യേ ആംബുലന്സിന് വഴി നല്കാനായി വാഹനവ്യൂഹം നിര്ത്തിയിടുകയായിരുന്നു. വെള്ളിയാഴ്ച ഉച്ചയ്ക്ക് അഹമ്മദാബാദിലെ ദൂരദര്ശന് സെന്ററിന് സമീപം പൊതുറാലി കഴിഞ്ഞ് ഗാന്ധിനഗറിലെ രാജ്ഭവനിലേക്ക് പോകുകയായിരുന്നു പ്രധാനമന്ത്രി. ആംബുലന്സ് കടന്നുപോയ ശേഷമാണ് യാത്ര തുടര്ന്നത്. ഇതിന്റെ വിഡിയോ സമൂഹമാധ്യമങ്ങളില് വൈറലാണ്.
