കൊച്ചി: രാഹുല് ഗാന്ധിയുടെ ഭാരത് ജോഡോ സിഐടിയുവിന്റെ കൊടിമരത്തില് കോണ്ഗ്രസിന്റെ കൊടി കെട്ടിയതില് പരിഹാസവുമായി സിപിഎം ജില്ലാ കമ്മിറ്റി അംഗം അഡ്വ. കെഎസ്. അരുണ്കുമാര്. കൊടി കെട്ടാന് ഭായിമാരെ ഏല്പ്പിച്ചാല് ഇങ്ങനെയിരിക്കുമെന്ന് ഫേസ്ബുക്ക് പോസ്റ്റിലൂടെയായി കെ.എസ്. അരുണ്കുമാര് പരിഹാസം. ആലുവ മാര്ക്കറ്റിലാണ് സിഐടിയുവിന്റെ കൊടിമരത്തില് കോണ്ഗ്രസ് പതാക നാട്ടിയത്.
രാഹുലിന്റെ ജോഡോ യാത്ര ബുധനാഴ്ചയാണ് എറണാകുളം ജില്ലയില് പര്യടനം തുടങ്ങിയത്. ഇതിനിടെ ജോഡോ യാത്രയ്ക്കായി നല്കിയ പോസറ്ററുകളില് വീര് സവര്ക്കറുടെ ചിത്രം ഉള്പ്പെടുത്തിയെങ്കിലും മത മൗലിക വാദികള് ഇത് വിവാദമാക്കാന് ശ്രമിച്ചതോടെ പാര്ട്ടി അനുയായികള് ഇത് മാറ്റി.
രാഹുലിന്റെ ഭാരത് ജോഡോ യാത്രയ്ക്കായി നിരത്തുകളില് സ്ഥാപിച്ച പോസ്റ്ററുകളിലെ സ്വാതന്ത്യ സമര സേനാനികളുടെ ചിത്രങ്ങളില് വീര് സവര്ക്കറും ഉണ്ടായിരുന്നു. എന്നാല് ഇതിന്റെ ചിത്രങ്ങളെടുത്ത് സമൂഹ മാധ്യമങ്ങളില് പ്രചരിപ്പിച്ച് വിവാദമാക്കാന് ശ്രമിച്ചതോടെ വീര് സവര്ക്കറുടെ ചിത്രം ഗാന്ധിജിയുടെ പോസ്റ്റര് ഉപയോഗിച്ച് മറയ്ക്കുകയായിരുന്നു.
