ൊച്ചി: ബിജെപി ദേശീയ അധ്യക്ഷന്‍ ജെ.പി. നദ്ദയും കേരളത്തിന്റെ ചുമതലയുള്ള പ്രഭാരി പ്രകാശ് ജാവദേക്കറും കേരളത്തിലെത്തുന്നു. 22, 25 തിയതികളിലായാണ് ജാവദേക്കറും നദ്ദയും എത്തുന്നത്. കേരളത്തില്‍ ബിജെപിയുടെ വിവിധ പരിപാടികളില്‍ ഇരുവരും പങ്കെടുക്കും. നാളെ ഉച്ചയ്‌ക്ക് 12 ന് നെടുമ്പാശേരിയിലെത്തുന്ന ജാവദേക്കറെ എറണാകുളം ജില്ലാ അധ്യക്ഷന്‍ എസ്. ജയകൃഷ്ണന്റെ നേതൃത്വത്തില്‍ സ്വീകരിക്കും.
വൈകിട്ട് നാലിന് എറണാകുളം രാമവര്‍മ ക്ലബ്ബ് ഹാളില്‍, പ്രധാനമന്ത്രി നരേന്ദ്ര മോദിയുടെ ജന്മദിനാഘോഷങ്ങളുടെ ഭാഗമായൊരുക്കിയ പ്രദര്‍ശിനി ഉദ്ഘാടനം ചെയ്യും. 23 ന് ആലപ്പുഴ, 24 ന് തിരുവനന്തപുരം, 25, 26 തിയതികളില്‍ കോട്ടയം, തിരുവനന്തപുരം എന്നിവിടങ്ങളില്‍ വിവിധ പാര്‍ട്ടി പരിപാടികളില്‍ പങ്കെടുക്കും.
ഞായറാഴ്ച രാവിലെ 9.30 ന് നെടുമ്പാശേരി വിമാനത്താവളത്തിലെത്തുന്ന ജെ.പി. നദ്ദയെ പ്രവര്‍ത്തകര്‍ സ്വീകരിക്കും. 11 ന് ചെങ്ങമനാട് ബിജെപി പ്രവര്‍ത്തകര്‍ക്കൊപ്പം മന്‍ കി ബാത്ത് പരിപാടി കേള്‍ക്കും. തുടര്‍ന്ന് ഹെലികോപ്റ്ററില്‍ കോട്ടയത്തെത്തുന്ന അദ്ദേഹം ബിജെപി ജില്ലാ കമ്മിറ്റി ഓഫീസിന്റെ ഉദ്ഘാടനം നിര്‍വഹിക്കും. 26ന് തിരുവനന്തപുരം ബിജെപി ജില്ലാ കമ്മിറ്റി ഓഫീസിന്റെ ഉദ്ഘാടനവും നദ്ദ നിര്‍വഹിക്കും.
