തിരുവനന്തപുരം: മലയാളികളുടെ പ്രിയ താരം ജഗതി ശ്രീകുമാറിന്റെ വീട്ടിലെത്തി ഓണക്കോടി നല്‍കി സുരേഷ് ഗോപി.’ജഗതി എന്ന അഭിനയ വിസ്മയം’ എന്ന പുസ്തക പ്രകാശനവും സുരേഷ് ഗോപി നിര്‍വഹിച്ചു. നീണ്ട ഇടവേളയ്‌ക്ക് ശേഷം സുരേഷ് ഗോപിയെ കണ്ടതോടെ താരം പുഞ്ചിരിച്ചു കൊണ്ടാണ് അദ്ദേഹത്തെ സ്വീകരിച്ചത്.
മലയാളികളുടെ പ്രിയതാരങ്ങളാണ് സുരേഷ് ഗോപിയും ജഗതിയും. ഇപ്പോഴിതാ ജഗതിയെക്കാണാന്‍ വീട്ടിലെത്തിയിരിക്കുകയാണ് സുരേഷ് ഗോപി. ഏറെ നേരം വീട്ടില്‍ ചിലവഴിച്ച ശേഷമാണ് സുരേഷ് ഗോപി മടങ്ങിയത്. ‘ജഗതി എന്ന അഭിനയ വിസ്മയം’ എന്ന പുസ്തകത്തെക്കുറിച്ചും സുരേഷ് ഗോപി ഹാസ്യ നടന് വിശദീകരിച്ചു നല്‍കി. രമേഷ് പുതിയമഠമാണ് പുസ്തകത്തിന്റെ രചന നിര്‍വഹിച്ചിരിക്കുന്നത്.
