ന്യൂദല്ഹി: ബര്മിംഗ്ഹാം കോമണ്വെല്ത്ത് ഗെയിംസില് വെള്ളി മെഡല് നേടിയ ബാഡ്മിന്റണ് ടീമിനെ പ്രധാനമന്ത്രി നരേന്ദ്ര മോദി അഭിനന്ദിച്ചു. കോമണ്വെല്ത്ത് ഗെയിംസ് ബാഡ്മിന്റണില് മെഡല് നേടിയതിന് കിഡംബി ശ്രീകാന്ത്, സാത്വിക് സായിരാജ്, രങ്കിറെഡ്ഡി, ചിരാഗ് ഷെട്ടി, ലക്ഷ്യ സെന്, ട്രീസ ജോളി, ആകര്ഷി കശ്യപ്, അശ്വിനി പൊന്നപ്പ, ഗായത്രി ഗോപിചന്ദ്, പി. വി. സിന്ധു എന്നിവരടങ്ങിയ ഇന്ത്യന് ബാഡ്മിന്റണ് ടീമിന് അഭിനന്ദനങ്ങള്. അവരുടെ നേട്ടത്തില് അഭിമാനിക്കുന്നുവെന്നും പ്രധാനമന്ത്രി ട്വീറ്റ് ചെയ്തു.
ഇന്ത്യയില് ഏറ്റവും കൂടുതല് ആരാധകരുള്ള കായിക ഇനങ്ങളിലൊന്നാണ് ബാഡ്മിന്റണ്. കോമണ്വെല്ത്തിലെ വെള്ളി മെഡല് ഗെയിമിനെ കൂടുതല് ജനപ്രിയമാക്കുന്നതിനും വരും കാലങ്ങളില് കൂടുതല് ആളുകള് അത് പിന്തുടരുമെന്ന് ഉറപ്പാക്കുന്നതിനും വലിയൊരളവില് സഹായമാകുമെന്നും അദേഹം പറഞ്ഞു.
