ജയ് പൂര്‍: കോണ്‍ഗ്രസ് ഭരിയ്ക്കുന്ന രാജസ്ഥാനില്‍ പട്ടാപ്പകല്‍ യുവാവിനെ ഒരു സംഘം ഗുണ്ടകള്‍ വടികൊണ്ട് തുടര്‍ച്ചയായി തല്ലുന്ന വീഡിയോ പങ്കുവെച്ച് ബിജെപി. കാറില്‍ വന്നിറങ്ങുന്ന ഗുണ്ടകള്‍ പാട്ടപ്പകല്‍ നടുറോഡില്‍ ദീര്‍ഘനേരം യുവാവിനെ അതിക്രൂരമായി തല്ലുന്നത് കാണാം. പരിക്കേറ്റ് യുവാവ് ഇപ്പോള്‍ രാജസ്ഥാനിലെ ശ്രീഗംഗാനഗര്‍ ആശുപത്രിയില്‍ ചികിത്സയിലാണ്.
ഗുണ്ടാ ആക്രമണത്തിന്റെ വീഡിയോ:
ബിജെപി നേതാവ് മന്‍ജീന്ദര്‍ സിങ്ങ് സിര്‍സയാണ് രാജസ്ഥാന്‍ സര്‍ക്കാരിനെ വിമര്‍ശിച്ച് കൊണ്ട് ഈ വീഡിയോ പങ്കുവെച്ചത്. അക്രമം അനുദിനം വര്‍ധിക്കുന്ന രാജസ്ഥാന്റെ വിധി ഇനി ദൈവത്തിന്റെ കൈകളിലാണെന്നും വീഡിയോ പങ്കുവെച്ചുകൊണ്ട് സിര്‍സ ട്വിറ്റര്‍ പോസ്റ്റില്‍ കുറിച്ചു.
ഇക്കാര്യത്തില്‍ ഇതുവരെയും രാജസ്ഥാന്‍ മുഖ്യമന്ത്രി അശോക് ഗെലോട്ട് പ്രതികരിച്ചിട്ടില്ല. മറ്റ് സംസ്ഥാനങ്ങളിലെ പ്രത്യേകിച്ചും ഉത്തര്‍പ്രദേശിലെ ക്രമസമാധാനത്തെക്കുറിച്ച് വാചാലയാകുന്ന പ്രിയങ്ക ഗാന്ധിയും മൗനം പാലിക്കുകയാണ്.
