ന്യൂദല്ഹി: രാജ്യത്ത് 200 കോടി വാക്സിനേഷന് നല്കി മറ്റൊരു നാഴികക്കല്ല് നേടിയ നരേന്ദ്രമോദിക്ക് അഭിനന്ദനങ്ങള് അറിയിച്ച് ബില് ഗേറ്റ്സ്. കൊവിഡിനെതിരായുള്ള പോരാട്ടത്തില് ഇന്ത്യന് വാക്സിന് നിര്മ്മാതാക്കളുമായും ഇന്ത്യന് സര്ക്കാരുമായുമുള്ള ഞങ്ങളുടെ തുടര്ച്ചയായ പങ്കാളിത്തത്തില് സന്തോഷമുണ്ടെന്നും അദേഹം ട്വീറ്റ് ചെയ്തു.
എന്നാല് ആരോഗ്യ പ്രവര്ത്തകരുടെയും ജനങ്ങളുടെയും കൂട്ടായ പരിശ്രമ ഫലമാണ് ഈ നേട്ടത്തിലേക്ക് രാജ്യത്തെ എത്തിച്ചതെന്ന് പ്രധാനമന്ത്രി നരേന്ദ്ര മോദി മറുപടി നല്കി. ഇന്ത്യയുടെ വാക്സിനേഷന് യജ്ഞത്തിന്റെ വേഗതയും, തോതും ബൃഹത്താണ്. ശാസ്ത്രജ്ഞരും ഡോക്ടര്മാരും നഴ്സുമാരും ഉള്പ്പടെയുള്ളവരുടെ കൂട്ടായ പ്രയത്നമാണ് ഇതിന് കരുത്ത് പകരുന്നത്. അതേസമയം, ഇന്ത്യയിലെ ജനങ്ങള് ശാസ്ത്രത്തില് ശ്രദ്ധേയമായ വിശ്വാസം പ്രകടിപ്പിക്കുകയും അവരുടെ ഡോസുകള് സമയബന്ധിതമായി എടുക്കുകയും ചെയ്തിട്ടുണ്ടെന്ന് പ്രധാനമന്ത്രി നരേന്ദ്ര മോദി റീട്വീറ്റില് വ്യക്തമാക്കി.
