കണ്ണൂര്‍: പയ്യന്നൂരും പരിസര പ്രദേശങ്ങളിലും ബോധപൂര്‍വം കലാപമുണ്ടാകാനുള്ള ആസൂത്രിത ശ്രമമാണ് ആര്‍ എസ് എസ് കാര്യാലയത്തിന് നേരെയുണ്ടായ ബോംബ് ആക്രമണമെന്ന് ബിജെപി സംസ്ഥാന അധ്യക്ഷന്‍ കെ സുരേന്ദ്രന്‍. മാരക ശേഷിയുള്ള ബോംബുകളാണ് അര്‍ധരാത്രിക്കുശേഷം ആര്‍ എസ് എസ് കാര്യാലയത്തിന് നേരെ എറിഞ്ഞത്. ഇത് മനഃപൂര്‍വ്വം കുഴപ്പ മുണ്ടാക്കാനുള്ള സി പി എമ്മിന്റെ ഗൂഢാലോചനയാണ്. ബോംബാക്രമണം നടന്ന പയ്യന്നൂര്‍ ആര്‍ എസ് എസ് ജില്ലാ കാര്യാലയം സന്ദര്‍ശിച്ച ശേഷം അദ്ദേഹം പറഞ്ഞു.
സി പി എമ്മിനകത്തു ഉണ്ടായിട്ടുള്ള വിവാദങ്ങളില്‍നിന്നും അവര്‍ക്കു രക്ഷനേടാനാണ് ഈ ബോംബേറ് നടന്നിരിക്കുന്നത് രക്തസാക്ഷി ഫണ്ട് വെട്ടിപ്പും ആഭ്യന്തര കലഹങ്ങളും കാരണം പ്രതിസന്ധിയിലായിരിക്കയാണ് സി പി എം പയ്യന്നൂരും പരിസര പ്രദേശങ്ങളിലും. ഉന്നത നേതാക്കള്‍ക്കെതിരെ പാര്‍ട്ടിക്കകത്തുതന്നെ അഴിമതി ആരോപണം ഉയര്‍ന്നുവന്നിരിക്കയാണ് ഒരു രക്തസാക്ഷിയുടെ പേരില്‍ പിരിച്ച പണം വലിയതോതില്‍ കൈക്കലാക്കുകയും ആഭ്യന്തര കുഴപ്പങ്ങളില്‍ പെടുകയും ചെയ്തിരിക്കുകയാണ് ഇപ്പോള്‍ സി പി എം. അതില്‍നിന്നും രക്ഷനേടാനാണ് ഒരു കലാപമുണ്ടാക്കാന്‍ സി പി എം ശ്രമിക്കുന്നത്.
വളരെ ആസൂത്രിതവും നീചവുമായ നടപടിയാണ് ഇവിടെ ഉണ്ടായിരിക്കുന്നത്. പ്രതികളെ സംബന്ധിച്ച വിവരങ്ങളെല്ലാം പൊലീസിന് ലഭിച്ചിട്ടും കുറ്റക്കാര്‍ക്കെതിരെ നടപടി എടുക്കാന്‍ പൊലീസിന് സാധിക്കുന്നില്ല. രാഷ്‌ട്രീയ ഇടപെടലാണ് ഇതിനു പിന്നിലെന്ന് എല്ലാവര്‍ക്കുമറിയാം. സി പി എം ന്റെ താത്പര്യമനുസരിച്ചാണ് പോലീസ് കേസന്വേഷിക്കുന്നത്.
ഈ കേസിലെ പ്രതികളെ കണ്ടുപിടിക്കാന്‍ ഒരു ഗവേഷണ ബുദ്ധിയും ആവശ്യമില്ല, പരിസര പ്രദേശങ്ങളിലെ സി സി ടി വി ദൃശ്യങ്ങളില്‍നിന്നും വന്നിരിക്കുന്ന രണ്ടു മോട്ടോര്‍ ബൈക്കുകളെക്കുറിച്ചു വ്യക്തമായ സൂചനകള്‍ പൊലീസിന് ലഭിച്ചിരിക്കുകയാണ്. ആരാണാ ബൈക്കുകളില്‍ എത്തിയത് എന്ന് കണ്ടുപിടിക്കാന്‍ ഒരു ചെറിയ അന്വേഷണം കൊണ്ടുപോലും സാധിക്കുന്നതാണ്, പക്ഷെ ഇത്ര സമയമായിട്ടും പ്രതികളെ അറസ്റ്റു ചെയ്യാത്തത് രാഷ്‌ട്രീയ താല്പര്യത്താലാണ്. പൊലീസിന് സി പി എം കര്‍ശനമായിട്ടുള്ള വിലങ്ങു വച്ചിരിക്കുകയാണ്. ഈ കേസിലെ മുഴുവന്‍ കുറ്റവാളികളെയും നിയമത്തിനു മുന്നില്‍ കൊണ്ടുവരാന്‍ ഭരണകൂടവും പോലീസും തയ്യാറാവണം.
ആര്‍ എസ് എസ് കാര്യാലയത്തിനുനേരെ നീചമായ ആക്രമണം നടന്നിട്ടും നിയമസഭയിലിന്നു മുഖ്യന്ത്രി മറ്റു പരാമര്‍ശമാണ് നടത്തിയിരിക്കുന്നത് എസ് ഡി പി ഐ ആര്‍ എസ് എസ് ബോംബുകളെപ്പറ്റി സംസാരിക്കുന്നു എന്നാല്‍ സ്വന്തം പാര്‍ട്ടി ക്കാര് എ കെ ജി സെന്ററിന് ബോംബെറിഞ്ഞിട്ടു പിടിക്കാന്‍ അവര്‍ക്കു സാധിക്കുന്നില്ല. പോലീസിനെയും സര്‍ക്കാര്‍ സംവിധാനങ്ങളെയും എങ്ങിനെയാണ് പിണറായി വിജയന്‍ കൈകാര്യം ചെയ്യുന്നത് എന്നതിന്റെ തെളിവാണ് ഇവിടെ സംഭവിക്കുന്നത്
അടിയന്തിരമായി കുറ്റവാളികളെ അറസ്റ്റുചെയ്യണം അല്ലെങ്കില്‍ ശക്തമായ പ്രക്ഷോഭ നടപടികളുമായി ഞങ്ങള്‍ക്ക് മുന്നോട്ടു പോകേണ്ടിവരുമെന്ന് അദ്ദേഹം പറഞ്ഞു. ആര്‍ എസ് എസ് വിഭാഗ് കാര്യവാഹ് എം തമ്പാന്‍, വിഭാഗ് കാര്യ കാരി സദസ്യന്‍ പി രാജേഷ്‌കുമാര്‍, ബി ജെ പി പയ്യന്നൂര്‍ മണ്ഡലം പ്രെഡിഡന്റ് പനക്കീല്‍ ബാലകൃഷ്ണന്‍, സംസ്ഥാന കമ്മറ്റി അംഗം അഡ്വ : കെ കെ ശ്രീധരന്‍, കര്‍ഷക മോര്‍ച്ച ജില്ലാ പ്രസിഡന്റ് സി കെ രമേശന്‍ മാസ്റ്റര്‍, പെരിങ്ങോം മണ്ഡലം ജനറല്‍ സെക്രട്ടറി ഗംഗാധരന്‍ കാളീശ്വരം ജില്ലാ കമ്മിറ്റി അംഗം എം പി രവീന്ദ്രന്‍, മോഹനന്‍ കുഞ്ഞിമംഗലം തുടങ്ങിയ നേതാക്കളും സംസ്ഥാന പ്രസിഡന്റ്‌നെ അനുഗമിച്ചു
