കണ്ണൂര്‍ : കണ്ണൂരില്‍ ആര്‍എസ്എസ് കാര്യാലയത്തിന് നേരെ ബോംബാക്രമണം. പയ്യന്നൂരിലെ കാര്യാലയത്തിന് നേരെ ഇന്ന് പുലര്‍ച്ച 1.30 ഓടെയാണ് ആക്രമണമുണ്ടായത്.
ആക്രമണത്തില്‍ കാര്യാലയത്തിന്റെ മുന്‍വശത്തെ ജനല്‍ചില്ലുകള്‍ തകര്‍ന്നു. ആളപായമില്ല. ആക്രമണത്തിന് പിന്നില്‍ ആരാണെന്ന് കണ്ടെത്താനായിട്ടില്ല.
രാഷ്‌ട്രഭവന്‍ എന്ന പേരിലുള്ള കാര്യാലയം പയ്യന്നൂര്‍ ടൗണിലെ മുകുന്ദ് ആശുപത്രിക്ക് സമീപമാണ് സ്ഥിതി ചെയ്യുന്നത്. സംഭവത്തില്‍ പോലീസ് അന്വേഷണം ആരംഭിച്ചു. സമീപത്തെ സിസിടിവി ദൃശ്യങ്ങള്‍ കേന്ദ്രീകരിച്ചാണ് അന്വേഷണം നടത്തുന്നത്. രണ്ട് ബൈക്കുകളിലായി എത്തിയ സംഘമാണ് ആക്രമണം നടത്തിയതെന്നാണ് സൂചന.
