ചെന്നൈ: നടി മീനയുടെ ഭര്ത്താവ് വിദ്യാസാഗര് അന്തരിച്ചു. കോവിഡാനന്തര ആരോഗ്യപ്രശ്നങ്ങളെ തുടര്ന്ന് ചികിത്സയിലായിരുന്നു. ശ്വാസകോശത്തിലെ അണുബാധയെ തുടര്ന്ന്, ഏതാനും ദിവസം മുമ്പ് ചെന്നൈയിലെ സ്വകാര്യ ആശുപത്രിയില് പ്രവേശിപ്പിച്ചിരുന്നു. അണുബാധ രൂക്ഷമായതിനെ തുടര്ന്ന് ശ്വാസകോശം മാറ്റിവയ്ക്കണമെന്ന് ഡോക്ടര്മാര് നിര്ദ്ദേശിച്ചെങ്കിലും അവയവ ദാതാവിനെ കിട്ടാത്തത് കൊണ്ട് ശസ്ത്രക്രിയ നീണ്ടു പോവുകയായിരുന്നു.
വെന്റിലേറ്റര് സഹായത്തിലായിരുന്നു ജീവന് നിലനിര്ത്തിയിരുന്നത്. വൈകിട്ടോടെ സ്ഥിതി ഗുരുതരമാവുകയും മരണം സംഭവിക്കുകയുമായിരുന്നു. 2009 ലാണ് മീനയും വിദ്യാസാഗറും വിവാഹിതരായത്. ബംഗളൂരുവില് സോഫ്റ്റ്വെയര് രംഗത്തെ വ്യവസായിയായിരുന്നു വിദ്യാസാഗര്. വിദ്യാസാഗറിന്റെ വിയോഗത്തില് പ്രമുഖര് അനുശോചനം രേഖപ്പെടുത്തി.
ഈയിടെ മലയാളത്തില് പുറത്തിറങ്ങിയ ബ്രോ ഡാഡി എന്ന ചിത്രത്തില് മീന ശ്രദ്ധേയമായ വേഷം കൈകാര്യം ചെയ്തിരുന്നു. ഇരുവരുടെയും മകള് നൈനികയും അഭിനേത്രിയാണ്.
