തൃശൂർ: ഭാവഗായകൻ പി.ജയചന്ദ്രന്റെ ശബ്ദമധുരിമയിൽ പറശ്ശിനിക്കടവ് മുത്തപ്പന്റെ അവതാര കഥ പറയുന്ന വീഡിയോ ഗാനം പുറത്തിറങ്ങി. സർഗസ്വരയുടെ ബാനറിൽ ” ശ്രീ പറശ്ശിനിയപ്പൻ ” എന്ന വീഡിയോ ആൽബത്തിലെ “ശൈവ വൈഷ്ണവ മൂർത്തിയാകും …..” എന്ന ഭക്തിസാന്ദ്രമായ ഗാനമാണ് കഴിഞ്ഞ ദിവസം റിലീസ് ചെയ്തത്. തേന്മഴയായ്, നൻമൊഴി എൻ മലയാളം, സ്വരവന്ദനം, കൃഷ്ണനാദം, കണ്ണൻ ചൊല്ലിയത് എന്നീ ദൃശ്യഗാനങ്ങൾക്ക് വരികളെഴുതി ശ്രദ്ധേയയായ പഴുവിൽ സ്വദേശിനി കൃഷ്ണ സന്തോഷാണ് ഗാനരചന നിർവഹിച്ചിരിക്കുന്നത്. മഹേന്ദ്രൻ കെ. പൊതുവാളിന്റെ സംഗീതം ഗാനത്തെ കൂടുതൽ ആസ്വാദ്യകരമാക്കുന്നു. ധനു അന്നൂർ ക്യാമറയും അഭിലാഷ് ഉണ്ണി എഡിറ്റിങ്ങും നിർവഹിച്ചിരിക്കുന്നു. നിർമ്മാണം: ഹരിദാസ്. ഏകോപനം സന്തോഷ് പാഞ്ചജന്യം.
