തളിരോമലേ…
ചെറു തൂവലേ …
കണിയായ് വാ..
കളിയാടി വാ..
മലയാളികളുടെ പ്രിയ ഗായിക ചിത്രയുടെ ആലാപനത്തില്‍ എത്തുന്ന മനോഹരമായ ഗാനം.
ആശിര്‍വദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ നിര്‍മ്മിച്ച് ജൂഡ് ആന്റണി ജോസഫ് സംവിധാനം ചെയ്യുന്ന തുടക്കം എന്ന സിനിമയുടെ ഇന്നു പുറത്തുവിട്ട വീഡിയോ ഗാനമാണിത്.
ജോപോള്‍ രചിച്ച് ജെയ്‌ക്ക് ബിജോയ്‌സ് ഈണമിട്ട ഈ ഗാനത്തിന് നവമാധ്യമങ്ങളില്‍ വലിയ സ്വീകരണമാണ് ലഭിച്ചിരിക്കുന്നത്. മാതാപിതക്കളുടെ പൊന്നോമനയായ മകളെ കുറിച്ച് അമ്മ പാടുന്ന ഈ ഗാനം കുടുംബ സദസുകളെ ഏറെ സ്പര്‍ശിക്കാതിരിക്കില്ല. വീഡിയോയിലെ ഹൃദയസ്പര്‍ശിയായ വിഷ്വല്‍സും ചിത്രത്തിന്റെ മാറ്റു വര്‍ദ്ധിപ്പിക്കുന്നു.
വിസ്മയ മോഹന്‍ലാല്‍, സായ്‌കുമാര്‍, ചിപ്പി, എസാ എന്നിവരാണ് ഈ ഗാനരംഗത്തില്‍ പ്രത്യക്ഷ പ്പെട്ടിരിക്കുന്നത്.
തളിരോമലേ…. …ചിത്രയുടെ ആലാപനത്തില്‍ തുടക്കം വീഡിയോ എത്തി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.