കൊച്ചി:തന്റെ ജീവന് ഭീഷണിയുണ്ടെന്ന് വെളിപ്പെടുത്തി വീണ്ടും സ്വര്ണ്ണക്കടത്ത് കേസിലെ പ്രതി സ്വപ്ന സുരേഷ്. കോടതിയില് കേസുമായി ബന്ധപ്പെട്ട് മൊഴി നല്കാന് എത്തിയതിനിടയില് തിങ്കളാഴ്ച മാധ്യമങ്ങളോട് സംസാരിക്കുകയായിരുന്നു സ്വപ്ന സുരേഷ്. .
സ്വര്ണ്ണക്കടത്തുമായി ബന്ധപ്പെട്ട് എല്ലാ കാര്യങ്ങളും കോടതിയോട് പറഞ്ഞു. കേസില് ഉള്പ്പെട്ട മുഴുവന് പേരുടെ വിവരങ്ങളും കോടതിയെ അറിയിച്ചിട്ടുണ്ട്. നാളെയും(ചൊവ്വാഴ്ച) മൊഴി നല്കും. ചൊവ്വാഴ്ച രാവിലെ മൊഴി നല്കല് പൂര്ത്തിയായ ശേഷം വീണ്ടും ഉച്ചയോടെ മാധ്യമങ്ങളെ കണ്ട് കൂടുതല് കാര്യം വെളിപ്പെടുത്തുമെന്നും സ്വപ്ന സുരേഷ് പറഞ്ഞു.
സാമ്പത്തിക കുറ്റകൃത്യങ്ങളുമായി ബന്ധപ്പെട്ട് എറണാകുളത്തെ പ്രത്യേക കോടതിയാണ് സ്വപ്നയുടെ രഹസ്യമൊഴി രേഖപ്പെടുത്തുന്നത്. ജീവന് ഭീഷണിയുണ്ടെന്ന് സ്വപ്ന കോടതിയെ അറിയിച്ചിരുന്നു. അതിന്റെ അടിസ്ഥാനത്തിലാണ് സ്വപ്നയുടെ രഹസ്യമൊഴി രേഖപ്പെടുത്തുന്നത്. “ഏതൊക്കെ കേസുകളുണ്ടോ ആ കേസുകളുമായി എല്ലാം ബന്ധപ്പെട്ട് കോടതിയില് മൊഴി നല്കാനാണ് വന്നത്. “- സ്വപ്ന പറഞ്ഞു.
