മട്ടന്നൂര്: സഹോദരങ്ങളായ രണ്ട് വിദ്യാര്ത്ഥികള് സൈക്കിളില് ലഡാക്കിലേക്ക്. ശിവപുരം ഹയര് സെക്കന്ററി സ്കൂളിലെ എസ്എസ്എല്സി വിദ്യാര്ത്ഥി മുഹമ്മദ് റഫ്നാസ് ഒന്പതാം ക്ലാസ് വിദ്യാര്ത്ഥി മുഹമ്മദ് അജ്നാസ് എന്നിവരാണ് കേരളത്തില് നിന്ന് ലഡാക്കിലേക്ക് സൈക്കിളില് കഴിഞ്ഞ ദിവസം യാത്ര പോയത്. ശിവപുരം ടൗണില് മാലൂര് സിഐ പി.കെ. മണി ഫ്ലാഗ് ഓഫ് ചെയ്തു. Â
രണ്ടുമാസത്തേക്കാണ് ഇരുവരുടെയും യാത്ര. ദിവസം 80 കിലോമീറ്ററാണ് യാത്ര ചെയ്യുന്നത്. 5000 ത്തിലധികം കിലോമീറ്റര് ദൂരത്താണ് സൈക്കിളുമായി ലഡാക്കിലേക്ക് യാത്ര ചെയ്യേണ്ടണ്ടത്. ശിവപുരം പടുപാറയിലെ സമീറ മന്സില് ഫാത്തിമയുടെയും ലത്തീഫിന്റെയും മക്കളാണ്. ലഡാക്കിലേക്ക് പോവണമെന്ന് വര്ഷങ്ങളായുള്ള ആഗ്രഹമായിരുന്നുവെന്ന് ഇരുവരും പറയുന്നു. ഇരിട്ടി, കുടക്, ബംഗളൂരു, ഗോവ, ദല്ഹി വഴിയാണ് ലഡാക്കിലേക്ക് ഇവര് യാത്ര ചെയ്യുന്നത്. Â
റോഡ് പരിചയക്കുറവും സൈക്കിള് യാത്രയായതിനാലും പ്രയാസം നേരിടുന്നതിനാല് രാത്രിയിലെ യാത്ര ഒഴിവാക്കിയിട്ടുണ്ട്. കര്ണാടകയിലെ മലയാളികള് ഇരുവര്ക്കും ഭക്ഷണവും സ്വീകരണവും നല്കി. യാത്രയിലെ അനുഭവങ്ങള് സീന പ്ലസ് യൂ ട്യൂബ് ചാനലില് ദിവസവും അപ് ലോഡ് ചെയ്യുന്നുണ്ട്.
