ചെന്നൈ: സംഗീത സംവിധായകന് ഇളയരാജയ്ക്ക് കേന്ദ്ര ചരക്ക് സേവന നികുതി വകുപ്പിന്റെ കാരണം കാണിക്കല് നോട്ടീസ്. സംഗീതം നല്കിയതിന് ലഭിച്ച പ്രതിഫലത്തിന് നികുതി അടയ്ക്കുന്നതില് വീഴ്ച വരുത്തിയെന്ന് കാണിച്ചാണ് നോട്ടീസ്. 2013 -2015 വര്ഷങ്ങളിലാണ് ഇളയരാജ നികുതി അടയ്ക്കാനുള്ളത്.
2013 2015 കാലയളവില് സിനിമകളില് സംഗീതമൊരുക്കിയതിന്റെ പേരില് നിര്മാതാക്കളില് നിന്നു കൈപ്പറ്റിയ പ്രതിഫലത്തിന്റെ നികുതിയായ 1.87 കോടി രൂപയാണ് ഇളയരാജ സേവന നികുതിയായി അടയ്ക്കാനുള്ളത്. മൂന്നുതവണ നോട്ടീസ് നല്കിയിട്ടും പ്രതികരിക്കാത്തതിനെ തുടര്ന്നാണ് ഇത്തവണ ജിഎസ്ടി ചെന്നൈ സോണ് ഇളയരാജയ്ക്ക് കാരണം കാണിക്കല് നോട്ടിസ് അയച്ചത്. അടുത്തിടെ പ്രധാനമന്ത്രിയെയും അംബേദ്കറെയും താരതമ്യം ചെയ്ത് ഇളയരാജ ഒരു പുസ്തകത്തില് എഴുതിയ ആമുഖം വിവാദമായിരുന്നു.
