പാലക്കാട് : പോപ്പുലര് ഫ്രണ്ട് പ്രവര്ത്തകനായ സുബൈറിന്റെ വധത്തില് സഞ്ജിത്തിന്റെ കൊലപാതകത്തിന്റെ തിരിച്ചടി എന്ന നിലയിലുള്ള പ്രചാരണം ശരിയല്ല. കൊലപാതകത്തില് ബിജെപിക്കോ ആര്എസ്എസിനോ പങ്കില്ലെന്ന് ബിജെപി സംസ്ഥാന ജനറല് സെക്രട്ടറി സി. കൃഷ്ണകുമാര്. മാധ്യമങ്ങള്ക്ക് നല്കിയ പ്രതികരണത്തിലാണ് ഇക്കാര്യം അറിയിച്ചത്.
സുബൈറിന്റെ കൊലപാതകത്തില് പങ്കില്ലെന്ന് ബിജെപി നേരത്തെ വ്യക്തമാക്കിയിരുന്നു. അതിന് പിന്നാലെയാണ് സംസ്ഥാന സെക്രട്ടറി പ്രതികരണവുമായി എത്തിയത്. അക്രമികള്ക്ക് സഞ്ജിത്തിന്റെ കാര് എങ്ങനെ പ്രതികള്ക്ക് കിട്ടി എന്ന കാര്യം പോലീസാണ് അന്വേഷിക്കേണ്ടത്. സഞ്ജിത്തിന്റെ കൊലപാതകത്തിന് ശേഷം സമാധാനപരമായി നടപടികള് കൈക്കൊള്ളാനാണ് ശ്രമിച്ചിട്ടുള്ളത്. തിരിച്ചടി എന്ന പേരില് സുബൈറിന്റെ കൊലപാതകത്തെ പ്രചരിപ്പിക്കുന്നത് ശരിയല്ലെന്നും അദ്ദേഹം.
കൊലപാതകത്തിന്റെ പേരില് നാട്ടില് കലാപമുണ്ടാക്കാനാണ് പോപ്പുലര് ഫ്രണ്ട് എസ്ഡിപിഐ സംഘടനകള് ശ്രമിക്കുന്നതെന്ന് ബിജെപി കഴിഞ്ഞ ദിവസം ബിജെപി അറിയിച്ചിരുന്നു. വെള്ളിയാഴ്ച ഉച്ചയോടെയാണ് പാലക്കാട് എലപ്പുള്ളിയില് പോപ്പുലര് ഫ്രണ്ട് ഏരിയ പ്രസിഡന്റ് സുബൈര് കൊല്ലപ്പെട്ടത്. മസ്ജിദില് പ്രാര്ത്ഥനയ്ക്ക് ശേഷം പിതാവിനൊപ്പം മടങ്ങുന്നതിനിടെയാണ് ആക്രമണമുണ്ടായത്.
