കീവ്: ഉക്രൈനിലെ ജനവാസ മേഖലകളില്‍ റഷ്യന്‍ സൈന്യം കൂട്ടബലാല്‍സംഗവും കൂട്ടക്കുരുതിയും നടത്തുന്നെന്ന് വെളിപ്പെടുത്തലുമായി ഉക്രൈന്‍ പാര്‍ലമെന്റ് അംഗം ലെസിയ വാസിലെന്‍ക്. സ്ത്രീകളെയും പെണ്‍കുട്ടികളെയും സൈനികര്‍ പരസ്യമായി ബലാല്‍സംഗം ചെയ്ത കൊല്ലുന്നു അവരുടെ ദേഹത്ത് സ്വസ്തിക മുദ്രയും കുത്തിവയ്‌ക്കുന്നു.
റഷ്യന്‍ സൈന്യം ഉക്രൈന്‍ മുഴുവനും കൊള്ളയടിച്ചു. എല്ലാ വീടുകളിലും കയറി നഷിപ്പിച്ചു. അവര്‍ക്ക് വേണ്ട സാധനങ്ങള്‍ കൊള്ളയടിച്ച് റഷ്യയിലേക്ക് കടത്തി. അവര്‍ സ്ത്രീകളെയും കുട്ടികളെയും പീടിപ്പിച്ചു. അതില്‍ എട്ട് മുതല്‍ പത്ത് വയസ്സ് പ്രായകാരുമുണ്ട്. റഷ്യന്‍ സൈന്യം ആണിത് ചെയ്തത്. സ്ത്രീകളെ കൊന്നതിന് ശേഷം ദേഹത്ത് സ്വസ്തിക മുദ്ര പതിച്ച് ശരീരം റോഡില്‍ ഉപേക്ഷിച്ചു. ലെസിയ ക്രൂരതകളുടെ ചിത്രം അടക്കം തന്റെ ട്വിറ്ററില്‍ പോസ്റ്റ് ചെയ്തു.
പ്രദേശങ്ങള്‍ തങ്ങളുടെ അധീനതയില്‍ ആക്കാനും ജനങ്ങള്‍ക്കിടയില്‍ ഭയം വളര്‍ത്താനുമാണ് റഷ്യന്‍ സൈന്യം കൂട്ടക്കുരുതിയും കൂട്ടബലാത്സംഗവും നടത്തുന്നതെന്നാണ് ഉക്രൈന്‍ പ്രോസിക്യൂട്ടര്‍ ജനറല്‍ ഇറീന വെനഡിക്ടോവ ആരോപിച്ചു. ഇര്‍പിന്‍, ബുച്ച, ഗോസ്റ്റോമെല്‍ ഉള്‍പ്പെടെ 30 ചെറുപട്ടണങ്ങള്‍ റഷ്യയില്‍നിന്ന് ഉക്രൈന്‍ തിരിച്ചു പിടിച്ചതിനു പിന്നാലെ നിരവധി സ്ത്രീകളും പെണ്‍കുട്ടികളുമാണു റഷ്യന്‍ സൈനികരുടെ ലൈംഗികാതിക്രമങ്ങളെ കുറിച്ച് പരാതിയുമായി രംഗത്തു വരുന്നത്.
പ്രതികരിക്കാൻ ഇവിടെ എഴുതുക: